భారత ప్రధాని నరేంద్ర మోదీ జన్మదినంతో పాటు ఆయన 25 ఏళ్ల ప్రజాసేవా ప్రస్థానం పూర్తయిన సందర్భంగా ప్రముఖులు యువ నాయకుల నుంచి శుభాకాంక్షలు వెల్లువెత్తుతున్నాయి. ఈ సందర్భంగా కేంద్ర మంత్రి జ్యోతిరాదిత్య సింధియా కుమారుడు మహాన్ ఆర్యమన్ సింధియా ప్రధాని మోదీకి హృదయపూర్వక జన్మదిన శుభాకాంక్షలు తెలిపారు.
ప్రధాని మోదీతో కలిసి దిగిన ఫొటోను ఎక్స్లో షేర్ చేసిన మహాన్ ఆర్యమన్ సింధియా ఆయనకు ప్రత్యేకంగా శుభాకాంక్షలు తెలిపారు. దేశ సేవలో అలుపెరగకుండా ముందుకు సాగుతున్న ప్రధాని మోదీ జీవితం ప్రతి భారతీయుడికీ స్ఫూర్తిదాయకమని పేర్కొన్నారు.
“దేశానికి విశిష్ట సేవలందిస్తున్న గౌరవనీయ ప్రధాన మంత్రి నరేంద్ర మోదీజీకి హృదయపూర్వక జన్మదిన శుభాకాంక్షలు. దేశ సేవ అనే మార్గంలో ఏమాత్రం అలసట లేకుండా నిరంతరం ముందుకు సాగేందుకు మీ జీవితం ప్రతి భారతీయుడికీ గొప్ప స్ఫూర్తి. భగవంతుడు మీకు సంపూర్ణ ఆయురారోగ్యాలు, దీర్ఘాయువును ప్రసాదించాలని ప్రార్థిస్తున్నాను” అని ఆయన తన పోస్టులో పేర్కొన్నారు.