కిర్గిజిస్తాన్ రాజధాని బిష్కెక్ చేరుకున్న భారత ప్రధానమంత్రి నరేంద్ర మోదీకి భారతీయ ప్రవాసులు, విద్యార్థి సమాజం ఉత్సాహభరిత స్వాగతం పలికింది.
కిర్గిజిస్తాన్ అధ్యక్షుడు సదీర్ జపరోవ్ ఆహ్వానం మేరకు 26వ షాంఘై సహకార సంస్థ (SCO) సదస్సులో పాల్గొనేందుకు ప్రధాని మోదీ బిష్కెక్ చేరుకున్నారు. మానస్ అంతర్జాతీయ విమానాశ్రయంలో కిర్గిజ్ రిపబ్లిక్ మంత్రుల మండలి చైర్మన్ అడిల్బెక్ కసిమాలియేవ్ ఆయనకు ఘన స్వాగతం పలికారు.
అనంతరం హోటల్లో భారతీయ వైద్య విద్యార్థులు, వ్యాపార రంగ నిపుణులు, బిష్కెక్లో నివసిస్తున్న భారతీయులతో ప్రధాని మోదీ ఆత్మీయంగా ముచ్చటించారు. తనకు లభించిన ఉత్సాహభరిత స్వాగతానికి కృతజ్ఞతలు తెలిపిన ఆయన, ఇరు దేశాల మధ్య సంబంధాల బలోపేతానికి భారతీయ సమాజం చేస్తున్న కృషిని ప్రశంసించారు.
ఈ స్వాగతాన్ని “చాలా ప్రత్యేకమైన స్వాగతం” గా అభివర్ణించిన ప్రధాని మోదీ, భారతీయ ప్రవాస సమాజం భారత్–కిర్గిజ్ రిపబ్లిక్ మధ్య స్నేహ బంధానికి కీలక వారధిగా నిలుస్తోందని పేర్కొన్నారు.
