కన్నడ నటుడు ధనుష్ రాజ్ దంపతుల మధ్య రచ్చ.. పోలీస్ స్టేషన్‌కు చేరిన వివాదం!

DET:JAN 08:
పరస్పర ఫిర్యాదులతో మొదలైన రచ్చ:
కన్నడ టీవీ రంగంలో గుర్తింపు తెచ్చుకున్న నటుడు ధనుష్ రాజ్ తన భార్య అర్షితపై పోలీసులకు ఫిర్యాదు చేయడంతో ఈ గొడవ బయటపడింది.తన భార్య తనపై భౌతిక దాడికి పాల్పడిందని తనను మానసిక వేధనలకు గురిచేస్తోందని ఆయన బెంగళూరులోని పోలీస్ స్టేషన్‌లో ఫిర్యాదు చేశారు.దీంతో ఈ దంపతుల మధ్య ఉన్న విబేధాలు కాస్తా పోలీస్ స్టేషన్ మెట్లు ఎక్కాయి.

ధనుష్ రాజ్ ఆరోపణలు:
ధనుష్ రాజ్ తన ఫిర్యాదులో అర్షిత తనపై చేయి చేసుకుందని తన వృత్తిపరమైన ఎదుగుదలను అడ్డుకుంటోందని పేర్కొన్నారు. చిన్న చిన్న విషయాలకే గొడవ పడుతూ తనను ఇబ్బంది పెడుతోందని ఆయన ఆవేదన వ్యక్తం చేశారు.కేవలం తనపైనే కాకుండా తన కుటుంబ సభ్యుల పట్ల కూడా ఆమె దురుసుగా ప్రవర్తిస్తోందని ఆయన ఆరోపించారు.

ఎదురుదాడి చేసిన అర్షిత:
ధనుష్ రాజ్ ఫిర్యాదు చేయగానే అతని భార్య అర్షిత కూడా వెనక్కి తగ్గలేదు.ఆమె తన భర్తపై మరియు అత్తమామలపై ఎదురు ఫిర్యాదు చేశారు.ధనుష్ రాజ్ మరియు అతని కుటుంబ సభ్యులు అదనపు కట్నం కోసం తనను వేధిస్తున్నారని ఆమె ఆరోపించారు.పెళ్లయినప్పటి నుండి తనను మానసికంగా,శారీరకంగా హింసిస్తున్నారని,తన దగ్గర ఉన్న బంగారాన్ని కూడా లాక్కున్నారని ఆమె వాంగ్మూలం ఇచ్చారు.

పోలీసుల విచారణ:
ప్రస్తుతం ఈ ఇద్దరి ఫిర్యాదులను స్వీకరించిన పోలీసులు కేసు నమోదు చేసి దర్యాప్తు ప్రారంభించారు.వీరిద్దరి మధ్య గత కొంతకాలంగా మనస్పర్థలు ఉన్నాయని పెద్దలు నచ్చజెప్పినప్పటికీ పరిస్థితి మారలేదని సమాచారం.ఇరుపక్షాల వాదనలను విన్న పోలీసులు నిజానిజాలను నిర్ధారించే పనిలో ఉన్నారు.సెలబ్రిటీల జీవితాల్లో ఇలాంటి గొడవలు బయటపడటం కన్నడ ఇండస్ట్రీలో కలకలం రేపుతోంది.