D Spiritual: Dec 11: హిందూ సంప్రదాయంలో ప్రతిరోజూ ఏదో ఒక దేవుడిని పూజించడం ఆనవాయితీ. భక్తులు దేవుళ్లను పూజిస్తూ తమ ఆర్థిక కష్టాలు తొలగాలని ప్రార్థిస్తుంటారు. అనుకున్నట్లు ఆర్థిక సమస్యలు తగ్గితే మొక్కులు చెల్లించుకుంటారు. అయితే గురు దోషం ఉన్నవారు తరచుగా ఆర్థిక సమస్యలను ఎదుర్కొంటారని విశ్వాసం. ఇలాంటి వారు గురువారం రోజున రాఘవేంద్ర స్వామిని పూజిస్తే కష్టాలు తొలగుతాయని పండితులు చెబుతున్నారు.
గురువారం తెల్లవారుజామునే లేచి అభ్యంగన స్నానం చేయాలి. తరువాత తులసి మాలను తీసుకుని గురు మంత్రం “ఓం బృహస్పతే నమః” ను 108 సార్లు జపించాలి. అనంతరం “శ్రీ గురు రాఘవేంద్రాయ నమః” మంత్రాన్ని కూడా జపించడం శ్రేయస్కరం. ఈ మంత్రాలు ఆర్థిక స్థితిని బలపరచడమే కాకుండా ఆనందం, శ్రేయస్సు కలిగిస్తాయని నమ్మకం.
జ్యోతిష్య శాస్త్రం ప్రకారం గురువారం శ్రీ మహావిష్ణువును పూజించేటప్పుడు పసుపు రంగు దుస్తులను ధరిస్తే శుభఫలితాలు కలుగుతాయని చెబుతారు. పసుపు రంగు విష్ణువుకు ఇష్టమైనదిగా భావిస్తారు కాబట్టి ఆయనకు పసుపు మిఠాయిలు నైవేద్యంగా సమర్పించడం ఉత్తమం. ఇలా చేయడం ఇంట్లోకి వచ్చే డబ్బు సమస్యలు తగ్గడానికి దోహదం చేస్తుందని విశ్వాసం.
గురువారం ఆర్థిక ఇబ్బందులతో బాధపడేవారు అప్పులు చేయకుండా ఉండాలి. ఎందుకంటే ఈ రోజు చేసిన అప్పులు ఆర్థిక సంక్షోభాన్ని మరింత పెంచుతాయని జ్యోతిష్య సూత్రాలు చెబుతాయి. ఇది డబ్బు సమస్యలను తగ్గించకుండా మరింత పెంచే ప్రమాదం ఉంది.
విష్ణువును పూజించేటప్పుడు అరటిపండ్లు నైవేద్యంగా పెట్టాలి. దీనితో పాటు శనగలు, బెల్లం సమర్పించడం కూడా శ్రేయస్కరం. ఇలాంటి సులభమైన పూజా విధానాలు శ్రీ మహావిష్ణువును ప్రసన్నం చేసి ఇంట్లో ఆనందం, శాంతి, శ్రేయస్సును తీసుకువస్తాయని భక్తుల నమ్మకం.