D Spiritual: Dec 11: ప్రస్తుత కాలంలో టెక్నాలజీ ఎంత అభివృద్ధి చెందినా కూడా, మన పూర్వీకులు అందించిన శాస్త్రాలకు మనం ఇప్పటికీ ప్రత్యేక ప్రాముఖ్యత ఇస్తూనే ఉన్నాం. ఇంట్లో లేదా ఆఫీస్లో వాస్తు శాస్త్రానికి అనుగుణంగా వస్తువులను ఏర్పాటు చేస్తే సుఖసంతోషాలు, శాంతి, ఐశ్వర్యం చేకూరుతాయని వాస్తు నిపుణులు సూచిస్తున్నారు. ఈ క్రమంలో చాలామంది లాఫింగ్ బుద్ధా విగ్రహం, అలాగే కోరికలను తీర్చేది అనే విశ్వగోవుగా పరిగణించే కామధేను విగ్రహాన్ని ఇంట్లో ఉంచుకుంటారు.
హిందూ విశ్వాసాల ప్రకారం గోమాతను లక్ష్మీ రూపంగా పూజిస్తారు. పురాణాల్లో గోమాతలో ముక్కోటి దేవతలు నివసిస్తారని కూడా పేర్కొనబడింది. అందుకే గోమాతను పూజించడం ద్వారా సకల దోషాలు తొలగి, శ్రేయస్సు, శాంతి కలుగుతుందని నమ్మకం. ఈ కామధేను ఆవు విగ్రహాన్ని ఇంట్లో ఉంచితే ఇబ్బందులు తొలగి, అష్టైశ్వర్యాలు చేకూరుతాయని చాలా మంది విశ్వసిస్తున్నారు.
కామధేను విగ్రహాన్ని ఇంట్లో ఈశాన్య దిశలో ఉంచడం ముఖ్యమైన నియమం. సాధారణంగా ఈశాన్యంలో బరువైన వస్తువులు పెట్టకూడదని వాస్తు చెబుతుందేమైనా, దేవతల కోసం ఈశాన్యం పవిత్రదిశగా పరిగణించబడినందున, కామధేను విగ్రహాన్ని ఇక్కడ ఉంచడం చాలా శుభప్రదంగా భావిస్తారు. ఈశాన్య దిశలో కామధేను ఉంచినప్పుడు ఇంటి వాతావరణం సానుకూలతతో నిండి, శుభఫలితాలు త్వరగా కనిపిస్తాయని నిపుణుల అభిప్రాయం.
కామధేను విగ్రహం ఏ పదార్థంతో ఉండాలనే సందేహం చాలామందికి ఉంటుంది. వాస్తు శాస్త్రం ప్రకారం వెండి, ఇత్తడి, రాగి, పాలరాయి వంటి పదార్థాలతో తయారు చేసిన కామధేను విగ్రహం అత్యుత్తమంగా ఫలితాన్నిస్తుంది. ఇవి శక్తి ప్రవాహాన్ని పెంచి, ఇంట్లో సానుకూల తరంగాలను సృష్టిస్తాయని భావిస్తారు.
ఇంట్లోనే కాకుండా ఆఫీస్లో కూడా కామధేను విగ్రహాన్ని ఈశాన్య దిశలో ఉంచితే శుభఫలితాలు లభిస్తాయి. పూజగదిలో ఈ విగ్రహాన్ని ఉంచడం ద్వారా కూడా ఇంట్లో శాంతి, ధనం, ధైర్యం పెరుగుతుందని నిపుణులు సూచిస్తున్నారు. ఇంట్లో ఇంకా కామధేను విగ్రహం లేకపోతే, దానిని ఏర్పాటు చేసి దాని శుభప్రభావాన్ని అనుభవించవచ్చని వాస్తు నిపుణులు చెబుతున్నారు.