D Spiritual: Jan 30: శనివారం మరియు త్రయోదశి కలిసిన శుభదినమే శని త్రయోదశి. 2026లో తొలి శని త్రయోదశి జనవరి 31న రావడం విశేషం. శని జన్మతిథి కూడా త్రయోదశి కావడంతో ఈ రోజుకు ప్రత్యేక శక్తి ఉందని పెద్దలు చెబుతారు.
శివుడు, కేశవుడు ప్రీతిపాత్రమైన ఈ రోజున శనీశ్వరుడిని భక్తితో ప్రార్థిస్తే ఏలినాటి శని, అష్టమశని వంటి దోషాలు తగ్గుతాయని విశ్వాసం ఉంది. శని త్రయోదశి రోజున చేసే పూజలు జీవితంలో సానుకూల మార్పులు తీసుకొస్తాయని భావిస్తారు.
తెల్లవారుజామున స్నానం చేసి నువ్వుల నూనెతో శనికి అభిషేకం చేయడం, రావి చెట్టుకు ప్రదక్షిణ చేయడం శుభప్రదం. అలాగే దానధర్మాలు చేయడం కూడా మంచి ఫలితాలను ఇస్తాయని నమ్మకం.
కానీ ఈ రోజున అబద్ధాలు చెప్పడం, ఎవరికైనా హాని చేయడం, అప్పు తీసుకోవడం, కోపంగా ప్రవర్తించడం మాత్రం అస్సలు చేయకూడదు. ఇవన్నీ శని దేవుని అనుగ్రహానికి అడ్డంకిగా మారుతాయని పెద్దలు హెచ్చరిస్తారు.
శని కర్మఫల దాత. క్రమశిక్షణ, ఓర్పు, వినయం పాటించినవారికి ఆయన అనుగ్రహం తప్పక లభిస్తుంది. భక్తితో చేసిన చిన్న ప్రార్థన కూడా జీవితంలో పెద్ద మార్పు తీసుకొస్తుందని శని త్రయోదశి మనకు గుర్తుచేస్తుంది.