D News: Aug 8: రైతులకు గుడ్‌న్యూస్.. 24వ విడత నిధులు ఎప్పుడంటే?
ప్రధాన మంత్రి కిసాన్ సమ్మాన్ నిధి (PM Kisan) పథకం 24వ విడత కోసం ఎదురుచూస్తున్న రైతులకు త్వరలోనే ఊరట లభించే అవకాశం ఉంది. కేంద్ర ప్రభుత్వ వర్గాల సమాచారం ప్రకారం, అర్హత ఉన్న రైతుల బ్యాంకు ఖాతాల్లోకి రూ.2,000 ఆర్థిక సాయం అక్టోబర్ నెలలో జమ అయ్యే అవకాశం ఉన్నట్లు తెలుస్తోంది.
ఇప్పటివరకు రూ.4.47 లక్షల కోట్ల సాయం
రైతులకు ఆర్థిక భరోసా కల్పించేందుకు కేంద్ర ప్రభుత్వం అమలు చేస్తున్న పీఎం కిసాన్ పథకం ద్వారా ఇప్పటివరకు 23 విడతల్లో కలిపి రూ.4.47 లక్షల కోట్లకు పైగా నిధులను రైతుల ఖాతాల్లోకి ప్రత్యక్ష నగదు బదిలీ (DBT) విధానంలో జమ చేసింది. ఇటీవల విడుదలైన 23వ విడతలో దేశవ్యాప్తంగా దాదాపు 9.49 కోట్లకు పైగా రైతు కుటుంబాలు ప్రయోజనం పొందాయి.
కొత్త రైతులకు కూడా అవకాశం
రాబోయే 24వ విడతలో ఇ-కేవైసీ (e-KYC), ఆధార్ సీడింగ్ వంటి ప్రక్రియలను పూర్తి చేసుకున్న అర్హత కలిగిన మరికొంతమంది కొత్త రైతులకు కూడా పథకం ప్రయోజనం అందే అవకాశం ఉన్నట్లు అధికారులు భావిస్తున్నారు.
అర్హత ఉన్న ప్రతి రైతుకు నిర్ణీత సమయంలో ఆర్థిక సాయం అందేలా కేంద్ర వ్యవసాయ మంత్రిత్వ శాఖ అవసరమైన చర్యలను వేగవంతం చేస్తోంది. అయితే 24వ విడత నిధుల విడుదల తేదీపై కేంద్ర ప్రభుత్వం నుంచి అధికారిక ప్రకటన వెలువడాల్సి ఉంది.