D Spiritual: Nov 20: మన భారతీయ సంస్కృతిలో పూజా విధానానికి ఎంతో ప్రాముఖ్యత ఉంది. ప్రజలు ప్రతిరోజు ఇంట్లో పూజలు చేసుకోవడమే కాకుండా, దేవాలయాలకు వెళ్లి దేవుళ్లను ఆరాధిస్తారు. ప్రతిరోజూ తమ ఇష్ట దేవతలను పూజించడం ద్వారా దేవ అనుగ్రహం పొందుతారని ప్రజల గాఢ విశ్వాసం. ఇంటిలో పూజ చేసే సమయంలో నియమనిష్టలతో పాటిస్తూ ఎలా ఆరాధిస్తామో, దేవాలయానికి వెళ్లే సమయంలో కూడా అదే పవిత్రత, శ్రద్ధ అవసరం. ఎందుకంటే దేవుడి స్థలమైన ఆలయం పవిత్రమైనదిగా భావించబడుతుంది కాబట్టి మనం కూడా పరిశుభ్రంగా ఉండాలి.
సాధారణంగా గుడికి వెళ్లిన వెంటనే, గుడి బయట చెప్పులను వదిలి, కాళ్లను కడుక్కుని ఆలయంలోకి ప్రవేశిస్తారు. చెప్పులు వేసుకుని గుడిలోకి వెళితే ఆలయ ప్రాంగణం అపవిత్రమవుతుందని భావిస్తారు. అందువల్ల ప్రతి భక్తుడు చెప్పులను వెలుపలే తీసి, శుభ్రమైన కాళ్లతో ఆలయ ద్వారం దాటాలి.
కొన్ని ఆలయాలలో ప్రత్యేకమైన నియమాలు కూడా ఉన్నాయి. కొన్ని దేవాలయాలలో పురుషులు, స్త్రీలు సాంప్రదాయబద్ధమైన దుస్తులలోనే దేవాలయానికి రావాలి అనే నిబంధనలు ఉంటాయి. మరి కొన్ని ఆలయాలలో పురుషులు ప్రత్యేకంగా నిర్దిష్ట వస్త్రధారణలో లేదా నగ్నంగా ప్రవేశించాల్సిన ఆచారాలు కూడా ఉన్నాయి. అదేవిధంగా కొన్ని దేవాలయాల్లో లెదర్ వస్తువులను తీసుకురాకూడదనే కఠిన నిషేధం ఉంటుంది.
లెదర్ అనేది చనిపోయిన జంతువుల చర్మంతో తయారు చేయబడుతుందనే కారణంతో, అలాంటి వస్తువులు ఆలయ పవిత్రతను దెబ్బతీస్తాయని పండితుల భావన. స్నానం చేయకుండా గుడిలోకి వెళ్లినా అపవిత్రమని భావిస్తే, చనిపోయిన జంతువుల చర్మంతో తయారు చేసిన వస్తువులు తీసుకెళ్లడం మరింత అపవిత్రంగా పరిగణించబడుతుంది. అందువల్ల లెదర్ హ్యాండ్ బ్యాగులు, బెల్టులు, జాకెట్లు వంటి వస్తువులను చాలా ఆలయాలు నిషేధిస్తాయి. ఇలా పొరపాటున అయినా లెదర్ వస్తువులతో గుడిలోకి ప్రవేశించినట్లయితే భక్తుడు చేసిన పూజకు ఫలితం తగ్గిపోతుందనే నమ్మకం ఉంది.