DSports Jan12 2026:ముంబై: 2026 టీ20 ప్రపంచకప్ వేదికల మార్పుపై గత కొన్ని రోజులుగా బంగ్లాదేశ్ క్రికెట్ బోర్డు (BCB) చేస్తున్న రచ్చకు అంతర్జాతీయ క్రికెట్ కౌన్సిల్ (ICC) చెక్ పెట్టింది. భద్రతా కారణాల దృష్ట్యా తమ మ్యాచ్‌లను భారత్ నుంచి శ్రీలంకకు మార్చాలన్న బంగ్లాదేశ్ విజ్ఞప్తిని ఐసీసీ నిర్ద్వంద్వంగా తిరస్కరించింది.
- టోర్నీ ప్రారంభానికి కేవలం నెల రోజులే సమయం ఉన్నందున, ఇప్పుడు వేదికలను మార్చడం అసాధ్యమని ఐసీసీ తేల్చి చెప్పింది.ఒకవేళ భద్రతా సాకులు చూపి బంగ్లాదేశ్ జట్టు భారత్‌కు రాకపోతే, నిబంధనల ప్రకారం ఆ మ్యాచ్‌లలో ప్రత్యర్థి జట్లను విజేతలుగా ప్రకటించి, బంగ్లాదేశ్‌కు పాయింట్ల కోత (Forfeit) విధిస్తామని హెచ్చరించింది.ఒకవేళ కోల్‌కతా, ముంబైలలో ఆడటానికి ఇబ్బంది ఉంటే, భారత్‌లోనే ఇతర నగరాలైన చెన్నై లేదా తిరువనంతపురంలో మ్యాచ్‌లు నిర్వహించేందుకు పరిశీలిస్తామని ఒక ప్రత్యామ్నాయాన్ని సూచించింది.
- ఐపీఎల్ 2026 నుంచి బంగ్లా పేసర్ ముస్తాఫిజుర్ రెహమాన్‌ను బీసీసీఐ తప్పించడంతో బీసీబీ తీవ్ర అసంతృప్తితో ఉంది.దీనికి నిరసనగా బంగ్లాదేశ్‌లో ఐపీఎల్ ప్రసారాలను ఇప్పటికే నిలిపివేశారు.పాకిస్థాన్ మాదిరిగానే తాము కూడా భారత్‌లో ఆడబోమని ‘హైబ్రిడ్ మోడల్’ కావాలని బంగ్లాదేశ్ పట్టుబడుతోంది.