సికింద్రాబాద్‌లోని చారిత్రక పరేడ్‌ గ్రౌండ్స్‌లో 79వ హైదరాబాద్‌ విమోచన దినోత్సవ వేడుకలు ఘనంగా నిర్వహించారు. కేంద్ర సాంస్కృతిక మంత్రిత్వ శాఖ ఆధ్వర్యంలో జరిగిన ఈ కార్యక్రమానికి తెలంగాణ బీజేపీ నేతలు, కేంద్ర మంత్రులు, పలువురు ప్రముఖులు హాజరయ్యారు.
1948 సెప్టెంబర్‌ 17న సర్దార్‌ వల్లభ్‌భాయ్‌ పటేల్‌ నాయకత్వంలో చేపట్టిన ఆపరేషన్‌ పోలో అనంతరం హైదరాబాద్‌ సంస్థానం భారత యూనియన్‌లో విలీనమైన చారిత్రక ఘట్టాన్ని స్మరించుకుంటూ ఈ వేడుకలను నిర్వహించారు.
కార్యక్రమంలో జాతీయ త్రివర్ణ పతాకాన్ని ఆవిష్కరించడంతో పాటు కవాతు తెలంగాణ సాయుధ పోరాటాన్ని ప్రతిబింబించే సాంస్కృతిక ప్రదర్శనలు నిర్వహించారు. నిజాం పాలన రజాకార్ల దమనకాండకు వ్యతిరేకంగా పోరాడిన స్వాతంత్ర్య సమరయోధులకు నివాళులు అర్పించారు.
హైదరాబాద్‌ విమోచన చరిత్రను భావితరాలకు అందించాల్సిన ఆవశ్యకతపై పలువురు సీనియర్‌ బీజేపీ నేతలు తమ ప్రసంగాల్లో ప్రస్తావించారు.