D Spiritual: Dec 12: శ్రీవారికి సమర్పించే నైవేద్యాల గురించి, ఏ సమయంలో ఏ ఆహారం సమర్పిస్తారో ఇప్పటికే తెలుసుకున్నాం. అలాగే నైవేద్యం సమర్పించే సమయంలో పాటించాల్సిన నియమాలు కూడా నిర్ణయించబడ్డాయి. గర్భాలయం శుద్ధి చేసిన అనంతరం గాయత్రీ మంత్రంతో పవిత్ర జలాన్ని చల్లి, ప్రసాదాలను మూతపెట్టిన పాత్రల్లో ఉంచుతారు. నైవేద్యం సమర్పించే సమయంలో గర్భాలయంలో బయటవారికి ప్రవేశం అనుమతించరు. ఇప్పుడు నైవేద్యాల ప్రత్యేకతలను పరిశీలిస్తే మరింత ఆసక్తికరంగా ఉంటుంది.
ఉదయం సమయంలో తాజా వెన్న, పాలను సమర్పిస్తారు. అష్టోత్తర శతనామ అర్చన అనంతరం రాజభోగం సమర్పణ జరుగుతుంది. రాత్రి శయనభోగం తర్వాత అర్ధరాత్రి తిరువీశం పేరుతో బెల్లపు అన్నం నైవేద్యంగా ఇస్తారు. చివరగా ఏకాంతసేవలో పండ్లు, వేరుశనగలు, వేడి పాలు సమర్పించడం ఆనవాయితీగా ఉంది.
ప్రసాదాల ప్రాధాన్యత విషయానికి వస్తే, శ్రీ మలయప్ప స్వామివారికి సమర్పించే ప్రతి పదార్థం హింసలేనిది, ఔషధగుణాలు కలిగినదై ఉండటం విశేషం. ఈ ప్రసాదాలు ఆకలి తీర్చడానికే కాకుండా, పవిత్రమైన దైవ అనుగ్రహంగా భావించి స్వీకరించాల్సినవని భక్తులు తెలుసుకోవాలి.