D Educt: Sept 18: ఆంధ్రప్రదేశ్ పబ్లిక్ సర్వీస్ కమిషన్ (APPSC) విజయవాడలోని ఏపీ ఎకనామిక్స్ అండ్ స్టాటిస్టికల్ సబార్డినేట్ సర్వీస్‌లో డైరెక్ట్ రిక్రూట్‌మెంట్ ద్వారా ఉద్యోగాల భర్తీకి నోటిఫికేషన్ విడుదల చేసింది. ఈ నోటిఫికేషన్ ద్వారా మొత్తం 196 అసిస్టెంట్ స్టాటిస్టికల్ ఆఫీసర్ పోస్టులను భర్తీ చేయనున్నారు.
ఈ పోస్టులకు దరఖాస్తు చేసుకునే అభ్యర్థులు మ్యాథమెటిక్స్, ఎకనామిక్స్, కామర్స్ లేదా కంప్యూటర్ సైన్స్‌లో ఏదైనా ఒక విభాగంలో బ్యాచిలర్స్ డిగ్రీ కలిగి ఉండాలి. ఇతర అర్హతలు, వయోపరిమితి తదితర వివరాలను నోటిఫికేషన్‌లో పరిశీలించాల్సి ఉంటుంది.
అభ్యర్థుల ఎంపిక సింగిల్ లెవెల్ ఆన్‌లైన్ కంప్యూటర్ రిక్రూట్‌మెంట్ టెస్ట్ ద్వారా జరుగుతుంది. రాత పరీక్ష ఆబ్జెక్టివ్ విధానంలో నిర్వహించనున్నారు. పరీక్షలో రెండు పేపర్లు ఉంటాయి.
పేపర్-1లో జనరల్ స్టడీస్, మెంటల్ ఎబిలిటీ అంశాల నుంచి ప్రశ్నలు ఉంటాయి. ఈ పేపర్‌కు 150 మార్కులు కేటాయించారు. పేపర్-2లో సంబంధిత సబ్జెక్ట్ నుంచి ప్రశ్నలు అడుగుతారు. దీనికి కూడా 150 మార్కులు ఉంటాయి. మొత్తంగా పరీక్ష 300 మార్కులకు నిర్వహించనున్నారు.
అర్హత, ఆసక్తి ఉన్న అభ్యర్థులు 2026 అక్టోబర్ 13 నుంచి నవంబర్ 2 వరకు ఆన్‌లైన్‌లో దరఖాస్తు చేసుకోవాలి. దరఖాస్తు ప్రక్రియ, పరీక్షకు సంబంధించిన పూర్తి వివరాల కోసం APPSC అధికారిక నోటిఫికేషన్‌ను పరిశీలించాలని అభ్యర్థులకు సూచించారు.