D Spiritual: Dec 9: బహుమతి ఇవ్వడం అనేది ప్రేమ, కృతజ్ఞత, శుభాకాంక్షల యొక్క అందమైన వ్యక్తీకరణ. ఇది మనసుకు సంబంధించిన భావోద్వేగాన్ని తెలుపుతుంది. భారతీయ సంస్కృతిలో బహుమతులు అనేవి ప్రేమను తెలియజేస్తాయి. అయితే వాస్తు శాస్త్రం ప్రకారం కొన్ని వస్తువులను ఇష్టమైన వారికి బహుమతిగా ఇవ్వడం అనేది దురదృష్టాన్ని తెస్తుందని పండితులు చెబుతున్నారు. మరి అలాంటి వస్తువులు ఏవి ఇవ్వకూడదో తెలుసుకుందాం.
మొదటగా గడియారాలు, వాచీలు. ఇవి సమయం, ఆలోచనలను సూచిస్తాయి. వాస్తు ప్రకారం గడియారాన్ని బహుమతిగా ఇవ్వడం వలన సంబంధాల్లో ఆలస్యం, స్తబ్దత లేదా విభజన వచ్చే అవకాశం ఉంటుందని నమ్మకం. అందుకే వీటిని గిఫ్ట్గా ఇవ్వడం మంచిది కాదు.
తర్వాత రుమాలు. వాస్తు ప్రకారం రుమాలు కన్నీళ్ళు, బాధను సూచిస్తాయి. రుమాలు బహుమతిగా ఇవ్వడం వలన భావోద్వేగపరమైన కష్టాలు, విడిపోవడాన్ని సూచిస్తుందని భారతీయ సంస్కృతిలో విశ్వాసం ఉంది. అందువల్ల ఇది శుభప్రదమైన బహుమతి కాదు.
పదునైన వస్తువులు, వంటి కత్తి, కత్తెర, బ్లేడ్లు వంటివి పోరాటం, విభేదాలు, తెగిపోయిన సంబంధాలను సూచిస్తాయి. వాస్తు ప్రకారం ఇవి బహుమతిగా ఇవ్వడం మంచిది కాదు. తప్పనిసరి పరిస్థితిలో ఇవ్వాల్సి వస్తే, గ్రహీత మీకు చిన్న నాణెం ఇవ్వాలి. ఇది బహుమతిని ఒక లావాదేవీగా మార్చి చెడు శకునాన్ని నివారిస్తుందని నమ్ముతారు.
ఖాళీ వాలెట్ లేదా పర్స్ కూడా బహుమతిగా ఇవ్వరాదు. ఇవి ఖాళీ జేబులను, ఆర్థిక సమస్యలను సూచిస్తాయి. ఇలాంటి బహుమతి ఇవ్వడం వలన ఇచ్చేవారి దౌర్భాగ్యం, పేదరికం గ్రహీతకు బదిలీ అవుతుందని విశ్వాసం. వాలెట్/పర్స్ను గిఫ్ట్గా ఇస్తే, అందులో కొంచెం డబ్బు పెట్టడం శ్రేయస్కరం.
చివరిగా అద్దాలు. వాస్తు శాస్త్రంలో అద్దాలు ప్రతికూల శక్తిని ప్రతిబింబిస్తాయని చెబుతారు. ఇవి గిఫ్ట్గా ఇస్తే అదృష్టాన్ని దూరం చేస్తాయని, ప్రేమలో గందరగోళం, వైవాహిక కలహాలకు దారి తీస్తాయని విశ్వాసం ఉంది. వాస్తు అవగాహన లేకుండా అద్దాలు బహుమతిగా ఇస్తే సంబంధాలలో విభేదాలు రావచ్చు.