D Spiritual: Dec 9: నూతన సంవత్సరం ప్రారంభం కాబోతున్న సమయంలో చాలామంది గత సంవత్సరంలో జరిగిన తప్పులను సరిచేసుకుని కొత్తగా జీవితాన్ని ప్రారంభించాలని భావిస్తారు. ఈ సంవత్సరం మొత్తం ఆనందంగా, ఆర్థికంగా పురోగతి సాధించాలని కోరుకుంటారు. వాస్తు శాస్త్ర నిపుణుల సూచనల ప్రకారం, కొత్త సంవత్సరంలో శుభ ఫలితాలు పొందాలంటే కొన్ని వాస్తు నియమాలు తప్పకుండా పాటించాలి. మనం ప్రతిరోజూ ఉపయోగించే చెప్పులు, షూస్ కూడా ఆర్థిక పరంగా ప్రభావం చూపుతాయని వాస్తు చెబుతుంది. కొన్ని నిర్లక్ష్యాలు కొత్త సంవత్సరంలో కూడా పేదరికం, ఆర్థిక ఇబ్బందులను తెచ్చిపెట్టే అవకాశముందని నిపుణులు హెచ్చరిస్తున్నారు.
వాస్తు శాస్త్రం ప్రకారం ఇంటి ప్రధాన ద్వారం వద్ద చెప్పులు, బూట్లు కుప్పలా వేయడం చాలా తప్పు. ఇలా చేయడం వలన ఇంటిలోకి ప్రతికూల శక్తులు ప్రవేశించి ఆర్థిక సమస్యలు పెరుగుతాయని నమ్మకం. కనుక కొత్త సంవత్సరంలో ఇంటి ముందు చెప్పులు లేకుండా శుభ్రంగా ఉంచడం ఇంటి ఆర్థిక అభివృద్ధికి సహాయపడుతుందని చెప్పబడింది. అలాగే పాడైన, పాతబడ్డ చెప్పులు, బూట్లను ఇంట్లో ఉంచడం కూడా వాస్తు దోషంగా పరిగణించబడుతుంది. ఇవి పేదరికాన్ని ఆకర్షించే సంకేతాలుగా చెప్పబడినందున కొత్త సంవత్సరంలో అవి ఇంటి నుండి తొలగించడం మంచిదని సూచిస్తారు.
తద్వారా కొంత మంది తులసి మొక్క దగ్గర చెప్పులు లేదా బూట్లు ఉంచడం అలవాటుగా చేసుకుంటారు. కానీ తులసి మొక్క పవిత్రమైందిగా భావించబడుతున్నందున అక్కడ పాదరక్షలు ఉంచడం పెద్ద వాస్తు దోషంగా చెప్పబడుతుంది. అందువల్ల కొత్త సంవత్సరంలో తులసి మొక్క చుట్టూ ఎలాంటి చెప్పులు లేకుండా శుభ్రంగా ఉంచడం చాలా ముఖ్యం. అదేవిధంగా, మంచం కింద చెప్పులు, షూస్ పెట్టే అలవాటు కూడా వాస్తు దృష్ట్యా అనుకూలం కాదు. ఇలా చేయడం ఆరోగ్య సమస్యలు, ఆర్థిక ఇబ్బందులను తెచ్చే ప్రమాదం ఉందని నిపుణులు చెబుతున్నారు. కాబట్టి న్యూ ఇయర్లో ఇలాంటి తప్పులను దూరం పెట్టి పాదరక్షలను సక్రమంగా ఉంచడం శుభప్రదంగా భావించబడుతుంది.