D Spiritual: Nov 26: నరుల దృష్టికి నల్ల రాయి అయినా పగిలిపోతుందని మనం వినే సామెతలు ఉన్నాయి. అంటే నరదృష్టి అనే ప్రభావం నిజమేనని భావిస్తారు. కొందరు మనుషులు ఇతరుల ఎదుగుదల చూసి అసూయపడుతూ, వారి పట్ల దిష్టికళ్ళు పెడతారని అంటుంటారు. అందుకే ఇళ్లలో, వ్యాపార స్థలాల్లో నిమ్మకాయ–మిరపకాయలు, కొన్నిసార్లు బూడిద గుమ్మడికాయ కూడా కడుతూ ఉంటారు. ఇవి దృష్టిబాధ దూరం చేయాలనే ఉద్దేశంతో చేస్తారు.
అలాగే కొంతమంది వింత బొమ్మలు కూడా ఇంటి ముందు వేలాడదీస్తారు. అయితే ఎంత చేసినా కూడా దృష్టి సమస్య తగ్గకపోవడం అనుభవించే వారు చాలా మంది ఉంటారు. అలాంటి పరిస్థితుల్లో కర్పూరంతో ఒక ప్రత్యేక విధానం చేస్తే నరదృష్టి సమస్య తగ్గిపోతుందని పండితులు చెబుతున్నారు.
దానికి ముందుగా ఒక చిన్న గిన్నె తీసుకొని అందులో ఒక కర్పూరం ముక్క పెట్టాలి. ఆ గిన్నెను ఇంట్లో ఉత్తర దిశలో ఉంచాలి. ఇలా ఉంచడం వల్ల వాస్తు దోషాలు తగ్గి, గృహంలో అనుకూల శక్తులు పెరుగుతాయని నమ్మకం. రాత్రి పడుకునే ముందు ఆ కర్పూరాన్ని ఆవు నెయ్యిలో పెట్టి వెలిగించాలి. మరునాడు ఉదయం ఆ కర్పూరంతో దేవుడికి హారతి ఇవ్వాలి.
ఈ విధానం చేయడం వల్ల ఇంట్లోని నెగటివ్ ఎనర్జీలు, నరదృష్టి పూర్తిగా తొలగిపోతాయని చెబుతారు. ధనం పెరుగడం, ధనపరమైన సమస్యలు తగ్గడం వంటి మంచి ఫలితాలు కూడా లభిస్తాయట. ముఖ్యమైన పని కోసం బయటకు వెళ్లే ముందు కూడా మీ ఇష్టదైవాన్ని ధ్యానిస్తూ కర్పూరం వెలిగించి హారతి ఇచ్చి బయలుదేరితే పనులు విజయవంతమవుతాయని విశ్వాసం ఉంది.
కర్పూరాన్ని వెలిగించడం వల్ల ఇంటిలోని ప్రతికూల శక్తులు దూరమవుతాయని, కర్పూరం సువాసన ఇంట్లో సానుకూల శక్తిని పెంచుతుందని అనేక మంది నమ్ముతారు.