DNews:31 OCT:హైదరాబాద్: మాజీ భారత క్రికెట్ జట్టు కెప్టెన్, సీనియర్ నేత మొహమ్మద్ అజారుద్దీన్ తెలంగాణ మంత్రివర్గంలో కొత్తగా చోటు దక్కించుకున్నారు. 2025 అక్టోబర్ 31వ తేదీ మధ్యాహ్నం రాజ్భవన్లో జరిగిన కార్యక్రమంలో గవర్నర్ జిష్ణుదేవ్ వర్మ ఆయనతో ప్రమాణ స్వీకారం చేయించారు. ఈ కార్యక్రమానికి ముఖ్యమంత్రి రేవంత్ రెడ్డి, మంత్రులు, పలువురు ప్రజాప్రతినిధులు హాజరయ్యారు.
అజారుద్దీన్ను మంత్రివర్గంలో చేర్చడంతో మైనారిటీలకు తెలంగాణ కేబినెట్లో ప్రతినిధ్యం లభించింది. రాజకీయ విశ్లేషకుల అభిప్రాయం ప్రకారం, అజారుద్దీన్ నియామకం కాంగ్రెస్ పార్టీ మైనారిటీ వర్గాలపై దృష్టి పెట్టిన సంకేతంగా భావిస్తున్నారు.
క్రికెట్ నుంచి రాజకీయాల వరకు
62 ఏళ్ల అజారుద్దీన్ భారత క్రికెట్ జట్టుకు కెప్టెన్గా సేవలందించి రిటైర్మెంట్ తర్వాత రాజకీయాల్లో అడుగుపెట్టారు. 2009లో మొరాదాబాద్ (ఉత్తరప్రదేశ్) నుంచి కాంగ్రెస్ అభ్యర్థిగా పోటీ చేసి లోక్సభకు ఎన్నికయ్యారు. 2014లో రాజస్థాన్ నుంచి పోటీచేసి ఓడిపోయారు. 2019లో హైదరాబాద్ క్రికెట్ అసోసియేషన్ (HCA) అధ్యక్షుడిగా పనిచేశారు.
2023 అసెంబ్లీ ఎన్నికల్లో జూబ్లీహిల్స్ నియోజకవర్గం నుంచి పోటీ చేసినా గెలుపు దక్కలేదు. పార్టీ కార్యకలాపాల్లో చురుకైన అజారుద్దీన్ పీసీసీ వర్కింగ్ ప్రెసిడెంట్గా కూడా బాధ్యతలు నిర్వహించారు.