D News: మాస్ కా దాస్ విశ్వక్ సేన్ నటిస్తూ దర్శకత్వం వహిస్తున్న తాజా చిత్రం ‘కల్ట్’ విడుదల తేదీ ఖరారైంది. అక్టోబర్ 30న ప్రపంచవ్యాప్తంగా థియేటర్లలోకి తీసుకురానున్నట్లు చిత్ర బృందం ప్రకటించింది. ఈ సందర్భంగా రిలీజ్ డేట్ ప్రోమోను విడుదల చేశారు.
స్లాషర్ థ్రిల్లర్గా ‘కల్ట్’
‘ఫలక్నుమా దాస్’, ‘దాస్ కా ధమ్కీ’ తర్వాత విశ్వక్ సేన్ దర్శకత్వం వహిస్తున్న మూడో చిత్రమిది. స్లాషర్ థ్రిల్లర్ జోనర్లో తెరకెక్కుతున్న ఈ సినిమాలో విశ్వక్ సేన్ రక్తంతో తడిసిన గొడ్డలితో కనిపించడం ఆసక్తిని పెంచుతోంది.
పలు భాషల్లో విడుదల
తారక్ సినిమాస్, వన్మయే క్రియేషన్స్ బ్యానర్లపై సందీప్ కాకరాల, కరాటే రాజు నిర్మిస్తున్న ఈ చిత్రంలో గాయత్రి భరద్వాజ్ హీరోయిన్గా నటిస్తున్నారు. రవి బస్రూర్ సంగీతం అందిస్తున్నారు.
తెలుగు, హిందీతో పాటు ఇంగ్లీష్, జపనీస్, స్పానిష్ భాషల్లోనూ సినిమా విడుదల కానుంది. ఆర్-రేటెడ్ కంటెంట్తో రూపొందుతున్న ఈ చిత్రంపై మేకర్స్ భారీ అంచనాలు పెట్టుకున్నారు.