DSports Jan09 2026:నవీ ముంబై: క్రికెట్ అభిమానులు ఎప్పుడెప్పుడా అని ఎదురుచూస్తున్న మహిళల ప్రీమియర్ లీగ్ (WPL) నాలుగో సీజన్ సమరానికి రంగం సిద్ధమైంది. నేడు (శుక్రవారం) నవీ ముంబైలోని డీవై పాటిల్ స్టేడియంలో జరగనున్న తొలి మ్యాచ్లో డిఫెండింగ్ ఛాంపియన్ ముంబై ఇండియన్స్, బలమైన రాయల్ ఛాలెంజర్స్ బెంగళూరు (RCB) జట్లు తలపడనున్నాయి.
- 2025లో వన్డే ప్రపంచకప్ గెలిచిన ఉత్సాహంలో ఉన్న భారత మహిళల జట్టు, అదే ఊపును టీ20 ఫార్మాట్లోనూ కొనసాగించాలని చూస్తోంది. ఈ టోర్నీ ద్వారా ఆటగాళ్ల ఫామ్, ఫిట్నెస్ను సెలెక్టర్లు నిశితంగా పరిశీలించనున్నారు. జెమీమా రోడ్రిగ్స్, స్మృతి మంధాన వంటి స్టార్లతో పాటు.. తెలుగు అమ్మాయి జి. త్రిష, యంగ్ సెన్సేషన్ దియా యాదవ్ వంటి యువ ప్లేయర్లకు ఇది తమ సత్తా చాటుకునే సువర్ణ అవకాశం.
- ఢిల్లీ క్యాపిటల్స్కు జెమీమా రోడ్రిగ్స్ కెప్టెన్గా వ్యవహరిస్తుండగా, యూపీ వారియర్స్ బాధ్యతలను మెగ్ లానింగ్ చేపట్టారు. వ్యక్తిగత కారణాలతో ఆర్సీబీ స్టార్ ప్లేయర్ ఎలీస్ పెర్రీ ఈ సీజన్కు అందుబాటులో లేకపోవడం ఆ జట్టుకు కొంత లోటుగానే కనిపిస్తోంది. ఈ మ్యాచ్లు ప్రతిరోజూ రాత్రి 7:30 గంటలకు జియో సినిమా (ఉచితంగా), స్టార్ స్పోర్ట్స్ ఛానెళ్లలో ప్రత్యక్ష ప్రసారం కానున్నాయి.