D News: కోలీవుడ్లో మరో క్రేజీ కాంబినేషన్పై ఆసక్తికరమైన చర్చ మొదలైంది. స్టార్ హీరో సూర్య, దిగ్గజ దర్శకుడు మణిరత్నం మరోసారి కలిసి పనిచేయబోతున్నారనే వార్తలు కోలీవుడ్ వర్గాల్లో హాట్ టాపిక్గా మారాయి. ప్రస్తుతం మణిరత్నం ‘ఇంజి వెల్లమ్’ సినిమాతో బిజీగా ఉన్నారు. ఈ సినిమా పూర్తయిన తర్వాత సూర్యతో తన తదుపరి ప్రాజెక్ట్పై ముందుకు వెళ్లే ఆలోచనలో ఉన్నట్లు తాజా రిపోర్టులు పేర్కొంటున్నాయి. అయితే ఈ ప్రాజెక్ట్పై ఇప్పటివరకు అధికారిక ప్రకటన మాత్రం రాలేదు.
8 ఏళ్ల క్రితమే చెప్పిన కథ..
తాజా సమాచారం ప్రకారం.. మణిరత్నం సుమారు ఎనిమిదేళ్ల క్రితం సూర్యకు ఓ కథ వినిపించారట. అయితే అప్పట్లో కొన్ని కారణాలతో ఆ ప్రాజెక్ట్ పట్టాలెక్కలేదు. ఇప్పుడు అదే కథను ప్రస్తుత ట్రెండ్కు అనుగుణంగా కొన్ని మార్పులు, చేర్పులతో సిద్ధం చేసి సూర్యకు మరోసారి వినిపించే ఆలోచనలో మణిరత్నం ఉన్నట్లు తెలుస్తోంది. సూర్యకు ఈ కొత్త వెర్షన్ నచ్చితేనే ప్రాజెక్ట్ ముందుకు వెళ్లే అవకాశం ఉంది.
మళ్లీ కలుస్తారా?
సూర్య–మణిరత్నం కాంబినేషన్కు ప్రత్యేకమైన క్రేజ్ ఉంది. వీరిద్దరూ 2004లో వచ్చిన ‘ఆయుధ ఎళుత్తు’ కోసం కలిసి పనిచేశారు. ఈ చిత్రాన్ని హిందీలో ‘యువ’ పేరుతోనూ తెరకెక్కించారు. అప్పటి నుంచి మరోసారి వీరి కాంబినేషన్లో సినిమా రాలేదు. దీంతో తాజా వార్త అభిమానుల్లో ఆసక్తిని పెంచుతోంది.
సూర్య లైనప్లో కొత్త ప్రాజెక్ట్?
మణిరత్నం ప్రస్తుతం విజయ్ సేతుపతి, సాయి పల్లవి జంటగా ‘ఇంజి వెల్లమ్’ తెరకెక్కిస్తున్నారు. ఈ సినిమా 2027 జనవరిలో విడుదలకు సిద్ధమవుతోంది.
మరోవైపు సూర్య కూడా వరుస ప్రాజెక్టులతో బిజీగా ఉన్నారు. జిత్తు మాధవన్ దర్శకత్వంలో ఆయన నటించిన సినిమా షూటింగ్ ఇప్పటికే పూర్తయింది. మణిరత్నం చెప్పే కథ సూర్యకు నచ్చితే.. ప్రస్తుతం ఉన్న కమిట్మెంట్స్ మధ్య ఈ ప్రాజెక్ట్ను తన లైనప్లో చేర్చుకునే అవకాశం ఉందని సినీ వర్గాల్లో చర్చ జరుగుతోంది. అయితే ఈ కాంబినేషన్పై అధికారిక క్లారిటీ రావాల్సి ఉంది.