DET:NOV 22:
సన్నీ-అక్షయ్ కాంబోలో అదరిపోయే OTT యాక్షన్ థ్రిల్లర్!
బాలీవుడ్‌లో ఒకప్పుడు బ్లాక్‌బస్టర్స్ అందించిన పవర్‌ఫుల్ జోడి మళ్లీ తెరపైకి రాబోతోంది. సీనియర్ నటులు సన్నీ డియోల్ మరియు అక్షయ్ ఖన్నా కలిసి ఒక హై-ఆక్టేన్ యాక్షన్ థ్రిల్లర్ కోసం సిద్ధమవుతున్నారని లేటెస్ట్ రిపోర్ట్స్ చెబుతున్నాయి. ఈ సినిమా డైరెక్ట్‌గా ఓటీటీ ప్లాట్‌ఫామ్‌లో విడుదల కాబోతోంది. వీరిద్దరూ గతంలో బోర్డర్ వంటి దేశభక్తి చిత్రంలో కలిసి నటించి ఎంత పెద్ద హిట్ కొట్టారో మనకు తెలుసు. ఆ తర్వాత దిల్లాగీ సినిమాలో కూడా కనిపించారు. ఇన్నేళ్ల తర్వాత ఈ క్రేజీ కాంబినేషన్ చూడబోతుండడం సినీ అభిమానులకు పండగే.
పాత హీరోలు కొత్త కథ ఏంటా సినిమా?
ఈ కొత్త సినిమా ఒక యాక్షన్ థ్రిల్లర్‌గా రూపొందబోతోందని తెలుస్తోంది. కథ, కథనం చాలా కొత్తగా ఉంటాయట. ప్రస్తుతం ఈ చిత్రానికి సంబంధించిన ప్రీ-ప్రొడక్షన్ పనులు జరుగుతున్నాయని సమాచారం. దర్శకుడు ఎవరనేది ఇతర నటీనటులు ఎవరనేది ఇంకా అధికారికంగా ప్రకటించలేదు. అయితే ఈ ప్రాజెక్ట్ చాలా భారీగా ఉంటుందని, ముఖ్యంగా యాక్షన్ సీక్వెన్స్‌లు హాలీవుడ్ రేంజ్‌లో ప్లాన్ చేస్తున్నారని ఇండస్ట్రీ వర్గాలు చెబుతున్నాయి. మళ్లీ సన్నీ డియోల్‌కు ఉన్న యాక్షన్ పవర్‌ను, అక్షయ్ ఖన్నా ఇంటెన్స్ పర్ఫార్మెన్స్‌ను ఒకే తెరపై చూడబోతున్నాం.
డీల్ ఫైనల్ త్వరలోనే షూటింగ్ షురూ:
ఈ ప్రాజెక్ట్‌కి సంబంధించిన చర్చలు దాదాపుగా పూర్తయ్యాయని ఇద్దరు హీరోలు కూడా కథ నచ్చడంతో వెంటనే గ్రీన్ సిగ్నల్ ఇచ్చారని టాక్. ఈ సినిమా ప్రముఖ OTT ప్లాట్‌ఫామ్ కోసం ప్రత్యేకంగా రూపొందుతోంది. అంటే, థియేటర్ల కోసం కాకుండా ఇంట్లోనే కూర్చుని చూసే విధంగా ఈ సినిమాని సిద్ధం చేస్తున్నారు. ఈ ప్రాజెక్ట్ గురించి త్వరలోనే అధికారిక ప్రకటన వచ్చే అవకాశం ఉంది. అభిమానులు మాత్రం, ఈ యాక్షన్ థ్రిల్లర్ ఎప్పుడు మొదలవుతుందా అని ఆసక్తిగా ఎదురుచూస్తున్నారు. సన్నీ డియోల్ ‘గదర్ 2’తో బ్లాక్‌బస్టర్ కొట్టి ఫామ్‌లో ఉండగా, అక్షయ్ ఖన్నా కూడా వైవిధ్యమైన పాత్రలతో ఆకట్టుకుంటున్నారు.