DET:NOV 12:
రవి మోహన్ పరాశక్తి డబ్బింగ్ ప్రారంభం: తుది దశకు రాజకీయ డ్రామా:
ప్రముఖ దర్శకురాలు సుధా కొంగర తెరకెక్కిస్తున్న ప్రతిష్టాత్మక చిత్రం పరాశక్తి పోస్ట్-ప్రొడక్షన్ పనులు వేగవంతమయ్యాయి.ఈ సినిమాలో ముఖ్యమైన విలన్ పాత్ర పోషిస్తున్న నటుడు రవి మోహన్,తాజాగా తన పాత్రకు సంబంధించిన డబ్బింగ్‌ను మొదలుపెట్టారు.ఈ చిత్రంలో శివకార్తికేయన్ ప్రధాన పాత్ర పోషిస్తున్నారు.షూటింగ్ పూర్తయిన తర్వాత,సినిమా విడుదల తేదీ దగ్గర పడుతుండటంతో చిత్ర బృందం డబ్బింగ్ పనులను ప్రారంభించింది.
కీలక పాత్రధారి డబ్బింగ్ షురూ:
రవి మోహన్ ఈ చిత్రంలో మెయిన్ విలన్‌గా,ఒక కీలకమైన రాజకీయ నాయకుడి పాత్రలో కనిపించనున్నట్టు తెలుస్తోంది. ఈ చిత్రం 1960ల నాటి నేపథ్యంలో,అప్పటి మద్రాసు రాష్ట్రంలో జరిగిన హిందీ వ్యతిరేక ఉద్యమాల చుట్టూ తిరుగుతుందని సమాచారం.ఆయన పాత్ర చాలా పవర్ఫుల్గా,ఇంటెన్స్గా ఉండబోతోందని చిత్ర యూనిట్ చెబుతోంది.ఈ డబ్బింగ్ ప్రక్రియ మొదలవడంతో,సినిమా తుది దశకు చేరుకుందని స్పష్టమైంది.
సంక్రాంతికి విడుదల: అభిమానుల ఎదురుచూపు:
పరాశక్తి చిత్రాన్ని వచ్చే సంవత్సరం సంక్రాంతి పండుగ సందర్భంగా జనవరి 14,2026 న ప్రపంచవ్యాప్తంగా విడుదల చేయాలని నిర్మాతలు ప్లాన్ చేస్తున్నారు.ఇప్పటికే ఈ సినిమా షూటింగ్ పూర్తైంది.శివకార్తికేయన్,రవి మోహన్‌తో పాటు శ్రీలీల,రియు అథర్వా మురళి ప్రధాన పాత్రల్లో నటిస్తున్నారు.జి.వి.ప్రకాష్ కుమార్ సంగీతం అందిస్తున్నారు.డబ్బింగ్ పనులు మొదలవడంతో,త్వరలోనే ట్రైలర్ విడుదల గురించి కూడా ప్రకటన వస్తుందని అభిమానులు ఆసక్తిగా ఎదురుచూస్తున్నారు.