DSports 29Oct:న్యూఢిల్లీ: రెండుసార్లు ప్రపంచ ఛాంపియన్గా నిలిచిన తెలంగాణ బాక్సర్ నిఖత్ జరీన్, మరో ప్రతిష్టాత్మక టోర్నీకి సిద్ధమవుతోంది. వచ్చే నెల నవంబర్ 14 నుంచి 21 వరకు ఉత్తరప్రదేశ్లోని గ్రేటర్ నోయిడా వేదికగా జరిగే వరల్డ్ బాక్సింగ్ కప్ ఫైనల్స్లో ఆమె పాల్గొననుంది.
జాతీయ బాక్సింగ్ సమాఖ్య ప్రకటించిన భారత జట్టులో నిఖత్ మహిళల 51 కేజీల విభాగంలో పోటీ పడనుంది.
నిఖత్ లక్ష్యం: ఎక్కువ పాయింట్లు సాధించడమే!
ఇటీవల జరిగిన ప్రపంచ ఛాంపియన్షిప్లో పతకం గెలవలేకపోయిన నిఖత్, ఈ టోర్నీని చాలా ప్రతిష్టాత్మకంగా తీసుకుంటోంది. ఈ టోర్నీలో ఎక్కువ పాయింట్లు సాధించడమే తన ప్రధాన లక్ష్యమని ఆమె తెలిపింది.
పాయింట్ల ప్రాధాన్యత: ఈ టోర్నమెంట్లో పతకాలు గెలవడం ద్వారా వచ్చే పాయింట్లు భవిష్యత్తులో జరిగే ఆసియా క్రీడలు , కామన్వెల్త్ క్రీడలు వంటి మెగా ఈవెంట్లలో మెరుగైన సీడింగ్ పొందడానికి ఉపయోగపడతాయి.
బహుమతి పాయింట్లు: వరల్డ్ కప్ ఫైనల్స్లో స్వర్ణ పతకం గెలిస్తే 300 పాయింట్లు, రజతానికి 150 పాయింట్లు, కాంస్యానికి 75 పాయింట్లు లభిస్తాయి.