
D news:nov:17అవసరం లేకుండా యాంటీబయాటిక్స్ తీసుకోవడం, వైద్యుల సలహా లేకుండా మందులు వాడటం, సూచించిన చికిత్సను మధ్యలోనే నిలిపివేయడం వంటి అలవాట్లు యాంటీమైక్రోబయల్ రెసిస్టెన్స్ సమస్యను మరింత తీవ్రతరం చేస్తున్నాయి. ఈ నేపథ్యంలో ప్రజల్లో అవగాహన పెంచేందుకు ఐటీసీకి చెందిన సావ్లాన్ స్వస్థ్ ఇండియా మిషన్ ‘వీలవ్యాంటీబయాటిక్స్’ పేరుతో ప్రత్యేక ప్రచారాన్ని ప్రారంభించింది.
నవంబర్ 18 నుంచి 24 వరకు నిర్వహించే ప్రపంచ యాంటీమైక్రోబయల్ రెసిస్టెన్స్ అవగాహన వారాన్ని పురస్కరించుకుని ఈ కార్యక్రమాన్ని చేపట్టింది. యాంటీబయాటిక్స్ను వైద్యుల సూచనల మేరకు బాధ్యతాయుతంగా ఉపయోగించడంతో పాటు, వ్యక్తిగత పరిశుభ్రతకు ప్రాధాన్యత ఇవ్వడం ద్వారా ఇన్ఫెక్షన్ల వ్యాప్తిని తగ్గించవచ్చని ఈ ప్రచారం వివరిస్తోంది. ముఖ్యంగా సబ్బుతో తరచూ చేతులు కడుక్కోవడం వల్ల వ్యాధికారక క్రిముల వ్యాప్తిని అరికట్టి, ఇన్ఫెక్షన్ల ముప్పును తగ్గించవచ్చని సంస్థ పేర్కొంటోంది.
యాంటీబయాటిక్స్ను విచ్చలవిడిగా ఉపయోగిస్తే భవిష్యత్తులో సాధారణ ఇన్ఫెక్షన్లకు సైతం చికిత్స అందించడం కష్టమవుతుందని వైద్య నిపుణులు హెచ్చరిస్తున్నారు. ఈ సందర్భంగా ఐటీసీ పర్సనల్ కేర్ ప్రొడక్ట్స్ బిజినెస్ హెడ్ సమీర్ సత్పతి మాట్లాడుతూ.. ఇళ్లలోనే కాకుండా ఆసుపత్రుల్లోనూ ఇన్ఫెక్షన్ల వ్యాప్తిని అడ్డుకోవడానికి చేతుల పరిశుభ్రత ఎంతో ముఖ్యమని తెలిపారు.
అపోలో హాస్పిటల్స్కు చెందిన డాక్టర్ విజయ్ యేవాలే మాట్లాడుతూ.. చిన్నపాటి జ్వరం, దగ్గు, జలుబు వచ్చిన వెంటనే యాంటీబయాటిక్స్ వాడటం సరైన పద్ధతి కాదని సూచించారు. సాధారణ వైరల్ జలుబుకు యాంటీబయాటిక్స్ పనిచేయవని, వైద్యుల సలహా లేకుండా గతంలో ఉపయోగించిన మందులను మళ్లీ తీసుకోకూడదని స్పష్టం చేశారు. డాక్టర్ సూచించిన మోతాదులో, నిర్ణీత వ్యవధి వరకు మందులు తీసుకోవాలని, చికిత్సలో ఏవైనా మార్పులు చేయాల్సి వస్తే తప్పనిసరిగా వైద్యులను సంప్రదించాలని సూచించారు.
అంతేకాకుండా, ఫే డిసౌజాతో కలిసి సావ్లాన్ రూపొందించిన ‘డాక్స్ పాడ్’ పాడ్కాస్ట్ సిరీస్ ద్వారా కూడా AMR వల్ల కలిగే ప్రమాదాలు, వాటి నివారణ మార్గాలపై నిపుణులు ప్రజలకు అవగాహన కల్పిస్తున్నారు.
మొత్తంగా యాంటీబయాటిక్స్ను విచక్షణతో, వైద్యుల సూచనల మేరకు ఉపయోగించడం, సబ్బుతో చేతులను శుభ్రంగా కడుక్కోవడం, వ్యక్తిగత పరిశుభ్రత పాటించడం వంటి చిన్న చిన్న జాగ్రత్తలు యాంటీమైక్రోబయల్ రెసిస్టెన్స్ ముప్పును తగ్గించడంలో కీలక పాత్ర పోషిస్తాయి. ప్రజల్లో ఈ అలవాట్లపై అవగాహన పెంచడమే సావ్లాన్ చేపట్టిన ఈ ప్రచారం ప్రధాన ఉద్దేశం.
