DET:NOV 21:
లోకా స్టార్ కళ్యాణి ప్రియదర్శన్ కొత్త సినిమా షూటింగ్ ప్రారంభం:
లోకా సినిమాతో దేశవ్యాప్తంగా మంచి గుర్తింపు తెచ్చుకున్న నటి కళ్యాణి ప్రియదర్శన్ తన తదుపరి చిత్రం షూటింగ్‌ను చెన్నైలో మొదలుపెట్టారు. ఇది ప్రముఖ నిర్మాణ సంస్థ పొటెన్షియల్ స్టూడియోస్ నిర్మిస్తున్న ఏడవ ప్రాజెక్టు. దీనికి సంబంధించిన పూజా కార్యక్రమం ఇటీవల ఘనంగా జరిగింది. ఈ కొత్త సినిమాలో కళ్యాణి ప్రధాన పాత్ర పోషిస్తున్నారు. ఆమెతో పాటు దేవదర్శిని మరియు వినోద్ కిషన్ కూడా ముఖ్య పాత్రల్లో కనిపిస్తారు.
కొత్త దర్శకుడితో కళ్యాణి ప్రయాణం:
ఈ ఇంకా పేరు పెట్టని చిత్రానికి తిరవియం ఎస్.ఎన్. దర్శకత్వం వహిస్తున్నారు. ఆయనకు ఇది మొదటి సినిమా. స్క్రీన్‌ప్లే సంభాషణలను దర్శకుడు తిరవియం, ప్రవీణ్ భాస్కర్, శ్రీ కుమార్ కలిసి రాశారు. ఈ సినిమా మహిళా ప్రాధాన్యత ఉన్న కథాంశంతో రూపొందుతోందని చిత్ర యూనిట్ వర్గాలు చెబుతున్నాయి. మాయ, మానగరం వంటి విజయవంతమైన చిత్రాలను నిర్మించిన బ్యానర్ కావడంతో, ఈ కొత్త ప్రాజెక్టుపై అంచనాలు భారీగా ఉన్నాయి.
సింగిల్ షెడ్యూల్‌లో సినిమా పూర్తి చేయాలని ప్లాన్:
ఈ సినిమా యూనిట్ ఒక ఆసక్తికరమైన నిర్ణయం తీసుకుంది. సినిమాను ఒకే షెడ్యూల్‌లో పూర్తి చేయాలని ప్లాన్ చేస్తున్నారు. దీనివల్ల కథలోని భావోద్వేగాలను నాటకీయతను కంటిన్యూగా చూపించడానికి అవకాశం ఉంటుందని వారు భావిస్తున్నారు. ఈ షూటింగ్ చెన్నైలోనే మొదలైంది, సినిమాలోని ఎక్కువ భాగం ఇక్కడే చిత్రీకరణ జరుపుకోనుంది. అనుకున్న ప్రకారం ప్లాన్ చేస్తే మొత్తం సినిమాను చెన్నైలోనే పూర్తి చేసే అవకాశం ఉందని తెలుస్తోంది.
బలమైన సాంకేతిక నిపుణుల బృందం:
ఈ చిత్రానికి బలమైన సాంకేతిక నిపుణుల బృందం పనిచేస్తోంది. సంగీతాన్ని జస్టిన్ ప్రభాకరన్ అందిస్తుండగా, సినిమాటోగ్రఫీని గోకుల్ బెనాయ్ నిర్వహిస్తున్నారు. ఎడిటర్‌గా అరల్ ఆర్. తంగం, ప్రొడక్షన్ డిజైనర్‌గా మాయపాండి పనిచేస్తున్నారు. నిర్మాణ సంస్థతో పాటు, కళ్యాణి ప్రియదర్శన్ ‘లోకహ్’ లాంటి పాన్-ఇండియన్ హిట్‌ తర్వాత నటిస్తున్న చిత్రం కావడం కూడా సినిమాకు మరింత హైప్ తెస్తోంది. త్వరలో ఈ సినిమా టైటిల్, ఇతర వివరాలు ప్రకటించే అవకాశం ఉంది.