D Spiritual: Feb 27: సిద్దిపేట:
సిద్దిపేట పట్టణంలోని పాత వెంకటేశ్వర స్వామి దేవాలయంలో నిర్వహించిన 56వ వార్షిక బ్రహ్మోత్సవాలు భక్తి శ్రద్ధల నడుమ ఘనంగా జరిగాయి. ఈ వేడుకలకు మాజీ మంత్రి, ఎమ్మెల్యే T. Harish Rao హాజరై ప్రత్యేక ఆకర్షణగా నిలిచారు.
బ్రహ్మోత్సవాల్లో భాగంగా నిర్వహించిన స్వామివారి కళ్యాణోత్సవానికి హరీష్ రావు పట్టు వస్త్రాలు సమర్పించారు. ఆలయంలో అర్చకులు, ఆలయ కమిటీ సభ్యులు ఆయనకు స్వామివారి ప్రసాదం అందజేశారు.
అలాగే సిద్దిపేట పట్టణంలోని శ్రీ మార్కండేయ స్వామి ఆలయంలో జరిగిన ధ్వజస్థంభ ప్రతిష్ఠా కార్యక్రమంలో కూడా హరీష్ రావు పాల్గొన్నారు. ఈ సందర్భంగా ఆయన ప్రత్యేక పూజలు నిర్వహించారు.
ఈ కార్యక్రమాల్లో ఆయన వెంట కౌన్సిలర్లు, బీఆర్ఎస్ ప్రజాప్రతినిధులు పాల్గొని ఆలయ కార్యక్రమాలను భక్తి భావంతో వీక్షించారు.