D Spiritual: Nov 27: సాధారణంగా భోజనం చేసిన తరువాత చాలామంది తిన్న ప్లేట్లోనే చేతులు కడగడం చేస్తుంటారు. పెద్దవాళ్లు కూడా ఇదే సరైన పద్ధతి అని చెబుతుంటారు. అయితే జ్యోతిష్య శాస్త్రం ప్రకారం మాత్రం ఈ ఆచారం సరైంది కాదని పండితులు పేర్కొంటున్నారు. భోజనం చేసిన తర్వాత ప్లేట్ను పక్కకు తీసుకెళ్లి, చేతులు బయట ప్రత్యేకంగా కడుక్కోవడం శుభప్రదంగా భావిస్తారు. తిన్న ప్లేట్లోనే చేతులు కడిగితే దరిద్రదేవత ప్రభావం పడుతుందని, ఇంట్లో శుభం తగ్గిపోతుందని చెబుతున్నారు.
అన్నం పరబ్రహ్మ స్వరూపంగా భావించబడుతుంది. చాలా మంది భోజనం ప్రారంభించే ముందు అన్నపూర్ణాదేవిని నమస్కరించి భోజనం చేస్తారు. అలాంటప్పుడు భోజనం పూర్తయ్యాక అదే ప్లేట్లో చేతులు కడగడం అన్నపూర్ణాదేవిని అపహాస్యం చేసినట్లేనని పండితులు అంటున్నారు. ఇది ఆహారాన్ని అవమానించినట్టు పరిగణించబడుతుందని అభిప్రాయం.
భోజనం చేసేటప్పుడు కూడా కొన్ని ఆచారాలు పాటించాలంటారు. చాలామంది తినేటప్పుడు అన్నం నేలమీద పడేలా లేదా తిరుగుతూ భోజనం చేస్తారు. పండితుల ప్రకారం ఈ విధంగా నిలబడి, నడుస్తూ లేదా అటు ఇటు తిరుగుతూ భోజనం చేయడం తప్పు. భోజనం శాంతగా కూర్చొని చేయాలి. ప్లేట్ను మన పైకే పెట్టుకుని తినడం కూడా మంచిది కాదు. ప్లేట్ను నేలపై ఉంచి వంగి భోజనం చేయడం పరంపరాగతంగా శ్రేయస్సును ఇస్తుందని విశ్వసిస్తారు.
భోజనం చేసేటప్పుడు చేయి మొత్తం ఆహారంలో ముంచడం తప్పు. కేవలం చేతివేళ్లను మాత్రమే ఉపయోగించి తినాలి. మనం ఎలా భోజనం చేస్తామో దాని ఆధారంగా మన వ్యక్తిత్వాన్ని కూడా చాలా మంది అంచనా వేస్తారు. అందుకే భోజనం సమయంలో శ్రద్ధ, పరిశుభ్రత, ఆచారం అన్నీ పాటించడం ఎంతో మంచిదిగా భావిస్తారు.