పెళ్లిలో రోకలి రోలుకు పూజలు చేయడానికి కారణమేంటో తెలుసా?

D Spiritual: Oct 28: మన హిందూ సాంప్రదాయాల ప్రకారం శుభకార్యాల ఆచారాలు
మన హిందూ సాంప్రదాయాల ప్రకారం ఏదైనా ఒక శుభకార్యం చేయాలంటే ఎన్నో ఆచార సంప్రదాయాలను పాటిస్తూ ఉంటారు. ఈ విధంగా హిందూ సంప్రదాయాల ప్రకారం వివాహం కనుక జరిగితే, ఈ వివాహ సమయంలో ఎన్నో పద్ధతులు పాటిస్తూ ఉంటారు. అయితే ప్రస్తుత కాలంలో ఇలాంటి ఆచార సంప్రదాయాలన్నీ ఒక్కొక్కటిగా కనుమరుగవుతూ వస్తున్నాయని చెప్పాలి.

వివాహంలో రోలు, రోకలి, తిరుగలి పూజ
ఇప్పటికీ పలు ప్రాంతాలలో వివాహ సమయంలో రోలు రోకలితో పాటు తిరగలిని కూడా పూజిస్తూ ఉంటారు. ఇలా పూజించడానికి గల కారణం ఏమిటి అనే విషయానికి వస్తే — పూర్వకాలంలో ఒక ఇంట్లో వివాహం నిశ్చయం అయింది అంటే, పెళ్లికి కొన్ని నెలల ముందు నుంచే రోలులో బియ్యం దంచడం, పసుపు దంచడం అలాగే పెళ్లిలో వంటలకు సరిపడే అన్ని ఆహార పదార్థాలను ముందుగానే దంచి సిద్ధం చేసి పెట్టుకునేవారు.

రోలు రోకలి పూజా ఆచారం
అందుకే ఏ ఇంటిలో అయితే వివాహం జరుగుతుందో ఆ ఇంటిలో ముందుగా రోలు, రోకలి, తిరుగలికి పూజ చేసి పెళ్లి పనులను ప్రారంభించే వారు. అయితే ఇప్పుడు అన్ని వస్తువులు రెడీమేడ్‌గా దొరకడంతో, కొన్నిచోట్ల పెళ్లికి ఒక రోజు ముందు ఇలా రోలు, రోకలి, తిరుగలికి సాంప్రదాయబద్ధంగా పూజలు చేస్తుంటారు.

పురాణాల ప్రకారం ప్రాముఖ్యత
పురాణాల ప్రకారం బలరాముడు నాగలితో భూమిని దున్ని పంటను పండించి, రోకలితో దంచి ఆహారంగా తీసుకోవాలని చెప్పారు. రోలు లక్ష్మీదేవి, రోకలి నారాయణుడు, తిరుగలి శివుడు, దాని పిడి పార్వతి అని భావిస్తారు.

ఆధ్యాత్మిక ఫలితాలు
ఇట్లు ఆయా అధిష్ఠాన దేవతలను పూజించడం వల్ల ధన ధాన్యాలతో పాటు సకల సంపదలు, సుఖసంతోషాలు కలుగుతాయని విశ్వసిస్తారు. అందుకే పూర్వకాలంలో ఏదైనా శుభకార్యం జరిగితే రోలు రోకలిని పూజించేవారని తెలుస్తుంది.