DET:DEC 16:
హాలీవుడ్ డైరెక్టర్ మైఖేల్ బే మన సినిమాకి!
హాలీవుడ్ ప్రముఖ దర్శకుడు ట్రాన్స్‌ఫార్మర్స్,అర్మాగెడాన్,బ్యాడ్ బాయ్స్ లాంటి హై-ఆక్టేన్ సినిమాలకు పేరుగాంచిన మైఖేల్ బే ఇండియన్ సినిమా రంగంలోకి అడుగుపెట్టబోతున్నారు.ఆయన నేరుగా దర్శకత్వం చేయకపోయినా,వినోద్ భానుశాలికి చెందిన భానుశాలి స్టూడియోస్ లిమిటెడ్ నిర్మించబోయే ఒక భారీ సినిమాకు సృజనాత్మక సహకారిగా వ్యవహరించనున్నారు.ఇది భారతీయ సినిమాకు,ప్రపంచ సినిమా పరిశ్రమకు మధ్య ఒక అద్భుతమైన కలయికగా చెప్పుకోవచ్చు.
ఏ.ఆర్. రెహమాన్ మ్యూజిక్,ఆంథోని డిసౌజా దర్శకత్వం:
ఈ ప్రాజెక్ట్‌కు సంగీతం అందించే బాధ్యతను ఆస్కార్ అవార్డు గ్రహీత,భారతీయ సంగీత మాంత్రికుడు ఏ.ఆర్.రెహమాన్ తీసుకున్నారు.రెహమాన్ గారి పాటలు,నేపథ్య సంగీతం ఈ సినిమాకు ఒక ప్రత్యేకమైన గ్లోబల్ టచ్ ఇస్తాయనడంలో సందేహం లేదు.ఈ హై-ఎనర్జీ సినిమాకు బ్లూ,బాస్ వంటి చిత్రాలను డైరెక్ట్ చేసిన ఆంథోని డిసౌజా దర్శకత్వం వహించనున్నారు.మైఖేల్ బే, ఆంథోని డిసౌజా,ఏ.ఆర్. రెహమాన్ వంటి దిగ్గజాలు ఒక్కటై పనిచేయడం ఈ సినిమాపై అంచనాలను భారీగా పెంచింది.
సినిమాపై రెహమాన్ మాటలు:
ఈ కొత్త సహకారం గురించి ఏ.ఆర్.రెహమాన్ చాలా సంతోషం వ్యక్తం చేశారు.రెండు వేర్వేరు ప్రపంచాలకు చెందిన సినిమా రంగాల కలయిక,సంగీతానికి ఒక సరికొత్త అందమైన స్థలాన్ని ఇస్తుంది అని ఆయన అన్నారు.అంటే హాలీవుడ్ యాక్షన్ స్టైల్,ఇండియన్ ఎమోషన్స్,మరియు రెహమాన్ గారి వరల్డ్-క్లాస్ మ్యూజిక్ కలిసి ఈ సినిమా ఒక రేంజ్‌లో ఉంటుందని అర్థమవుతోంది.
గ్లోబల్ సినీ ప్రపంచంలో భారతీయ సత్తా:
భానుశాలి స్టూడియోస్ అధినేత వినోద్ భానుశాలి మాట్లాడుతూ,సినిమా అనేది ప్రపంచమయం,కథలకు హద్దులు లేవు.ఇటువంటి కలయికలు సృజనాత్మకతకు పరిమితులు ఉండవని గుర్తుచేస్తాయి అని అన్నారు.హాలీవుడ్ ప్రముఖులు ఇండియన్ సినిమాలపై ఆసక్తి చూపడం,వాటి నిర్మాణంలో భాగం కావడం అనేది భారతీయ సినిమా స్థాయిని ప్రపంచ వేదికపై మరింత పెంచుతుంది.ఈ సినిమా తాలూకు ఇతర నటీనటుల వివరాలు మరియు విడుదల తేదీ గురించి ఇంకా అధికారికంగా ప్రకటించాల్సి ఉంది.