DHealth 14 Nov :శీతాకాలం వచ్చిందంటే చాలు వాతావరణ మార్పుల కారణంగా దగ్గు, జలుబు, ఫ్లూ వంటి సీజనల్ వ్యాధులు చుట్టుముట్టడం సహజం. అయితే, ఈ చలికాలంలో భారతీయ వంటశాలలో ముఖ్యమైన మసాలా దినుసుల్లో ఒకటైన నల్ల మిరియాలు తీసుకోవడం వల్ల అద్భుతమైన ఆరోగ్య ప్రయోజనాలు పొందవచ్చని ఆరోగ్య నిపుణులు, ఆయుర్వేద వైద్యులు సూచిస్తున్నారు. వీటిలోని ఔషధ గుణాలు మిమ్మల్ని వ్యాధుల బారి నుంచి రక్షిస్తాయి.
మిరియాల అద్భుత ఆరోగ్య ప్రయోజనాలు:
రోగనిరోధక శక్తి పెంపు: నల్ల మిరియాలలో ఉండే విటమిన్ సి మరియు ఇతర యాంటీఆక్సిడెంట్లు రోగనిరోధక శక్తిని బలోపేతం చేస్తాయి. దీనివల్ల చలికాలంలో వచ్చే జలుబు, దగ్గు, ఫ్లూ వంటి అంటువ్యాధులు దరిచేరకుండా ఉంటాయి.
శ్వాసకోశ ఉపశమనం: మిరియాలలో ఉండే ప్రధాన సమ్మేళనం పైపెరిన్ . దీనిలోని యాంటీ-ఇన్ఫ్లమేటరీ (యాంటీ బాక్టీరియల్) గుణాలు దగ్గు, ఆస్తమా, బ్రోన్కైటిస్ వంటి శ్వాసకోశ సమస్యల నుండి ఉపశమనం కలిగిస్తాయి. శ్లేష్మాన్ని (కఫాన్ని) తగ్గించి శ్వాసను సులభతరం చేస్తాయి.
శరీర ఉష్ణోగ్రత: చల్లని వాతావరణంలో శరీరంలో ఉష్ణోగ్రత పడిపోకుండా చూసే శక్తి నల్ల మిరియాలకు ఉంది. ఇవి శరీరానికి వెచ్చదనాన్ని ఇచ్చి, శక్తి స్థాయిలను మెరుగుపరుస్తాయి.
జీర్ణక్రియ మెరుగుదల: నల్ల మిరియాలు జీర్ణ రసాల ఉత్పత్తిని ప్రేరేపించి జీర్ణక్రియను వేగవంతం చేస్తాయి. వీటిని తీసుకోవడం వల్ల శీతాకాలంలో వచ్చే గ్యాస్, అజీర్ణం, మలబద్ధకం వంటి సమస్యల నుండి ఉపశమనం లభిస్తుంది.
యాంటీఆక్సిడెంట్ నిధి: వీటిలో అధికంగా ఉండే యాంటీఆక్సిడెంట్లు శరీరంలో పేరుకుపోయిన ఫ్రీ రాడికల్స్తో పోరాడతాయి, తద్వారా వృద్ధాప్య ప్రక్రియను నెమ్మదిస్తాయి మరియు గుండె జబ్బులు, కొన్ని రకాల క్యాన్సర్ వంటి దీర్ఘకాలిక వ్యాధుల ప్రమాదాన్ని తగ్గిస్తాయి.