D Educt: Sept 15: ఎడ్‌సెట్‌-2026 రెండో దశ సీట్ల కేటాయింపు
ఎడ్‌సెట్‌-2026 బీఎడ్‌ కోర్సుల రెండో దశ సీట్ల కేటాయింపు ప్రక్రియ పూర్తయింది. దీనికి సంబంధించిన సీట్ల కేటాయింపు వివరాలను ఎడ్‌సెట్‌ కన్వీనర్‌ ప్రొఫెసర్‌ ఐ. పాండురంగారెడ్డి సెప్టెంబరు 13న విడుదల చేశారు.
7,049 మందికి సీట్లు
కన్వీనర్‌ కోటాలో మొత్తం 10,238 బీఎడ్‌ సీట్లు అందుబాటులో ఉండగా, 9,917 మంది అభ్యర్థులు వెబ్‌ ఆప్షన్లు నమోదు చేసుకున్నారు. వీరిలో మెరిట్‌, అభ్యర్థుల వెబ్‌ ఆప్షన్ల ఆధారంగా 7,049 మందికి సీట్లు కేటాయించారు.
సెప్టెంబరు 19లోపు కాలేజీల్లో రిపోర్టింగ్‌
రెండో దశలో సీట్లు పొందిన అభ్యర్థులు నిర్ణీత గడువులోగా ఫీజు చెల్లించి, తమకు కేటాయించిన సంబంధిత కాలేజీల్లో రిపోర్టు చేయాలని అధికారులు సూచించారు. అభ్యర్థులు సెప్టెంబరు 19లోపు కాలేజీల్లో రిపోర్టింగ్‌ ప్రక్రియను పూర్తి చేయాల్సి ఉంటుంది.
సెప్టెంబరు 21 నుంచి తరగతులు
బీఎడ్‌ కోర్సులకు సంబంధించిన తరగతులు సెప్టెంబరు 21 నుంచి ప్రారంభం కానున్నాయి. సీట్లు పొందిన అభ్యర్థులు గడువులోగా ఫీజు చెల్లించి, కళాశాలలో రిపోర్టు చేసి ప్రవేశ ప్రక్రియను పూర్తి చేసుకోవాలని అధికారులు సూచించారు.