D Spiritual: Apr 28: జ్యోతిష్య శాస్త్రంలో వాస్తు శాస్త్రానికి ప్రత్యేకమైన ప్రాధాన్యం ఉంది. ఇంటిలో సానుకూల శక్తి, శుభఫలితాలు కలగాలని చాలా మంది వాస్తు నియమాలను పాటిస్తూ కొన్ని ప్రత్యేక వస్తువులను ఉంచుతారు. అందులో ముఖ్యంగా ఏడు గుర్రాల ఫొటోను ఇంటిలో పెట్టుకోవడం సంపద, శుభం తీసుకొస్తుందని విశ్వాసం ఉంది. అయితే దీనిని సరైన విధంగా ఉంచకపోతే కొన్ని ఇబ్బందులు కలిగే అవకాశమూ ఉందని వాస్తు నిపుణులు చెబుతున్నారు.
ఏడు గుర్రాల ఫొటోను ఇంటిలో ఉంచడం వాస్తు పరంగా శుభప్రదంగా భావిస్తారు. ఇది ఇంటిలో ఉన్న ప్రతికూల శక్తులను తొలగించి సానుకూలతను పెంచుతుందని నమ్మకం. ఆర్థిక సమస్యలు, అనారోగ్య సమస్యలు, వాస్తు దోషాలు తగ్గి ఇంట్లో ఆనందకర వాతావరణం ఏర్పడుతుందని వాస్తు నిపుణులు సూచిస్తున్నారు.
అయితే వాస్తు ప్రకారం ఏ వస్తువైనా సరైన దిశలో ఉంచినప్పుడే మంచి ఫలితాలను ఇస్తుంది. తప్పు దిశలో ఉంచితే ప్రతికూల ప్రభావాలు కలిగే అవకాశం ఉంది. అందువల్ల అదృష్టానికి ప్రతీకగా భావించే ఏడు గుర్రాల ఫొటోను కూడా సరైన దిశలో ఉంచడం చాలా ముఖ్యమని చెబుతున్నారు.
ఆధ్యాత్మికంగా ఏడు గుర్రాలు అభివృద్ధి, కెరీర్ పురోగతి, అదృష్టానికి సంకేతంగా భావిస్తారు. ఈ ఫొటోను ఇంటి తూర్పు దిశలో ఉంచడం చాలా శుభం అంటారు. తూర్పు దిశలో సూర్యకాంతి పడటం వల్ల ఆర్థికంగా, కెరీర్ పరంగా మంచి పురోగతి కలుగుతుందని నమ్మకం. ఇంటిలో ఉన్న సమస్యలు తగ్గి సానుకూల వాతావరణం ఏర్పడుతుందని చెబుతారు.
ఇక ఉత్తర దిశలో ఏడు తెలుపు గుర్రాల ఫొటోను ఉంచడం కూడా ఎంతో మంచిదిగా భావిస్తారు. ఇది ఆర్థిక లాభాలను పెంచి వ్యాపారంలో అభివృద్ధి కలిగిస్తుందని నమ్మకం. డబ్బుకు కొరత లేకుండా ఉండేందుకు ఉత్తర దిశలో ఈ ఫొటోను ఉంచడం శుభప్రదమని వాస్తు నిపుణులు సూచిస్తున్నారు.