D Educt: Oct 22: వీఐటీఈఈఈ-2027 దరఖాస్తుల ప్రక్రియ ప్రారంభం
ఆన్‌లైన్‌లో దరఖాస్తుకు అవకాశం
వేలూర్‌ ఇన్‌స్టిట్యూట్‌ ఆఫ్‌ టెక్నాలజీ (వీఐటీ) వీఐటీఈఈఈ-2027 ప్రవేశ పరీక్షకు దరఖాస్తుల ప్రక్రియను ప్రారంభించింది. అర్హత కలిగిన అభ్యర్థులు అధికారిక వెబ్‌సైట్‌ https://viteee.vit.ac.in ద్వారా ఆన్‌లైన్‌లో దరఖాస్తు చేసుకోవచ్చని వీఐటీ ఒక ప్రకటనలో వెల్లడించింది.
నాలుగు క్యాంపస్‌లలో ఇంజినీరింగ్‌ ప్రవేశాలు
ఈ ప్రవేశ పరీక్ష ద్వారా వేలూర్‌, చెన్నై, ఆంధ్రప్రదేశ్‌లోని అమరావతి, మధ్యప్రదేశ్‌లోని భోపాల్‌ క్యాంపస్‌లలో ఇంజినీరింగ్‌ కోర్సుల్లో ప్రవేశాలు పొందే అవకాశం ఉంది. ఇంజినీరింగ్‌ విద్యను అభ్యసించాలనుకునే విద్యార్థులు ఈ అవకాశాన్ని వినియోగించుకోవచ్చు.
ఏప్రిల్‌ 28 నుంచి ప్రవేశ పరీక్షలు
వీఐటీఈఈఈ-2027 ప్రవేశ పరీక్షలు ఒకే విడతలో నిర్వహించనున్నారు. 2027 ఏప్రిల్‌ 28వ తేదీ నుంచి మే 2వ తేదీ వరకు పరీక్షలు జరగనున్నాయి. అభ్యర్థులు దరఖాస్తు చేసుకునే ముందు అధికారిక వెబ్‌సైట్‌లో అందుబాటులో ఉన్న వివరాలను పరిశీలించాలని సూచించారు.