DET:NOV 21:
అడివి శేష్ డకోయిట్ గురించి: రెండు సినిమాల్లా అనిపించింది!
వేర్వేరు భాషల్లో షూటింగ్ సవాలు:
అడివి శేష్ నటిస్తున్న తాజా చిత్రం డకోయిట్ హిందీ మరియు తెలుగు భాషల్లో ఏకకాలంలో చిత్రీకరించబడింది. ఈ ద్విభాషా చిత్ర షూటింగ్‌పై ఇటీవల మాట్లాడిన శేష్, ఇది తనకు రెండు వేర్వేరు సినిమాలు చేసినట్లుగా అనిపించిందని తెలిపారు. కథ ఒకటే అయినా ప్రతి భాషా ప్రేక్షకులకు ఆ భావోద్వేగాలు సహజంగా, బలంగా చేరాలని తాను కోరుకున్నట్లు వివరించారు. ఈ కృషి చాలా డిమాండ్‌తో కూడుకున్నదని, కానీ సంతృప్తిని ఇచ్చిందని ఆయన అన్నారు.
భాష కాదు, భావోద్వేగాలే ప్రధానం:
ఈ సినిమాను ద్విభాషగా తెరకెక్కించడంలో తనకు ఎదురైన అతి పెద్ద సవాలు భాష కాదని అడివి శేష్ స్పష్టం చేశారు. తన బహుళ సాంస్కృతిక నేపథ్యం కారణంగా హిందీ ఉచ్చారణ తనకు సహజంగానే వస్తుందని చెప్పారు. నిజమైన సవాలు ఏమిటంటే, ఒకే పాత్ర యొక్క భావోద్వేగ ప్రయాణాన్ని హిందీ, తెలుగు సినీ సంస్కృతులకు అనుగుణంగా మార్చడం. అంటే ఆ పాత్ర యొక్క వైఖరి,లయ మరియు ఎమోషనల్ పిచ్ ను ప్రతి భాష డిమాండ్ చేసినట్లుగా ట్యూన్ చేయాల్సి వచ్చిందట.
తెలుగు, హిందీ వెర్షన్లలో తేడాలు:
డకోయిట్ హిందీ వెర్షన్‌లో పాత్ర యొక్క భావోద్వేగం కొంచెం సున్నితంగా నియంత్రిత తీవ్రతతో ఉంటుందని శేష్ వివరించారు. దీనికి విరుద్ధంగా తెలుగు వెర్షన్ బలమైన శారీరక వ్యక్తీకరణ, కొంచెం బిగ్గరైన భావోద్వేగాన్ని కలిగి ఉంటుందట. నటుడిగా మరియు సహరచయితగా ప్రతి వెర్షన్ ఆడియెన్స్‌కి నిజాయితీగా అనిపించేలా తాను నిరంతరం గేర్స్ మార్చాల్సి వచ్చిందని ఆయన పేర్కొన్నారు.
ప్రతి ఫ్రేమ్ ప్రామాణికంగా ఉండాలి:
మేజర్ సినిమా విషయంలోనూ తాను ఇదే విధానాన్ని అనుసరించానని అడివి శేష్ గుర్తు చేసుకున్నారు. కేవలం డబ్బింగ్ చేసినట్లు కాకుండా రెండు వెర్షన్లను వేర్వేరు చిత్రాలుగా భావించామని తెలిపారు. ద్విభాషా చిత్రాల షూటింగ్ రెండు సినిమాలు తీసినట్లే. చాలా కొద్ది మంది మాత్రమే ఇంత అదనపు కృషి చేస్తారు, కానీ నేను పర్ఫెక్షన్ కంటే తక్కువగా దేనికీ అంగీకరించలేను. ప్రతి ఫ్రేమ్, ప్రతి భావోద్వేగం ప్రేక్షకులకు ప్రామాణికంగా అనిపించాలి అని ఆయన తమ లక్ష్యాన్ని దృఢంగా చెప్పారు. డకోయిట్లో మృణాల్ ఠాకూర్ ప్రధాన పాత్ర పోషిస్తున్నారు.