DSports 29 Nov:హైదరాబాద్: సయ్యద్ ముస్తాక్ అలీ ట్రోఫీ 2025లో భాగంగా శుక్రవారం నాడు జరిగిన మ్యాచ్లో పంజాబ్ కెప్టెన్ మరియు అంతర్జాతీయ టీ20 బ్యాటర్ అభిషేక్ శర్మ (Abhishek Sharma) మరోసారి విఫలమయ్యాడు. హర్యానాతో జరిగిన ఈ ఉత్కంఠ పోరులో పంజాబ్ జట్టు సూపర్ ఓవర్లో ఓటమి పాలైంది.
ఆటతీరు నిరాశపరిచింది
టీ20ల్లో ప్రపంచంలోనే అగ్రశ్రేణి బ్యాటర్గా ఉన్న అభిషేక్ శర్మ, టోర్నీలో కెప్టెన్గా పంజాబ్కు తొలి నుంచీ మంచి ఆరంభాన్ని ఇవ్వడంలో విఫలమవుతున్నాడు. హర్యానా నిర్దేశించిన 208 పరుగుల భారీ లక్ష్యాన్ని ఛేదించే క్రమంలో, పంజాబ్కు బలమైన పునాది వేయాల్సిన బాధ్యత అభిషేక్పై ఉంది.అయితే, అతను కేవలం 5 బంతుల్లో 6 పరుగులు మాత్రమే చేసి, ఇన్నింగ్స్ ఆరంభంలోనే అన్షుల్ కంబోజ్ బౌలింగ్లో ఔటయ్యాడు.ప్రభ్సిమ్రాన్ సింగ్తో కలిసి తొలి వికెట్కు 27 పరుగులు జోడించినా, ఆ తర్వాత పంజాబ్ తడబడింది.
ఇది ఈ టోర్నీలో అభిషేక్కు వరుసగా రెండో వైఫల్యం. అంతకుముందు హిమాచల్ ప్రదేశ్తో జరిగిన మ్యాచ్లో కేవలం 4 పరుగులు మాత్రమే చేశాడు.