DET:DEC 06:
చాక్లెట్ బాయ్ అబ్బాస్ రీ-ఎంట్రీ:
ఒకప్పుడు యువతను ఉర్రూతలూగించిన చాక్లెట్ బాయ్ అబ్బాస్ మళ్లీ వెండితెరపై కనిపించబోతున్నారు. దాదాపు 12 సంవత్సరాల సుదీర్ఘ విరామం తర్వాత ఆయన ఒక తమిళ సినిమాతో రీ-ఎంట్రీ ఇవ్వడానికి సిద్ధమవుతున్నారు. ఈ వార్త ఆయన అభిమానులలో, సినీ వర్గాలలో పెద్ద చర్చకు దారితీసింది. కాదల్ దేశం, మినాలే, కండకొండైన్ కండకొండైన్ వంటి సినిమాలతో అబ్బాస్ మంచి పేరు సంపాదించుకున్నారు.
జీవీ ప్రకాష్ సినిమాతో అబ్బాస్ సందడి:
అబ్బాస్ తిరిగి నటిస్తున్న ఈ కొత్త సినిమాకు యువ సంగీత దర్శకుడు నటుడు జీవీ ప్రకాష్ కుమార్ హీరోగా నటిస్తున్నారు. ఈ సినిమాకు హ్యాపీ రాజ్ అనే టైటిల్ పెట్టినట్టుగా తెలుస్తోంది. ఈ చిత్రం ద్వారా అబ్బాస్ ఒక ముఖ్యమైన పాత్రలో ప్రేక్షకులను పలకరించబోతున్నారు. ఆయన చాలా సంవత్సరాల తర్వాత నటిస్తున్న చిత్రం కాబట్టి ఈ పాత్ర కొత్తగా ప్రత్యేకంగా ఉంటుందని అభిమానులు ఆశిస్తున్నారు.
హ్యాపీ రాజ్ వివరాలు:
హ్యాపీ రాజ్ సినిమాను కొత్త డైరెక్టర్ అయిన మరియా రాజా ఇళంచెళియన్ దర్శకత్వం వహిస్తున్నారు. ఇది ఒక ఫ్యామిలీ ఎంటర్టైనర్ గా రూపొందుతోందని సమాచారం. లవర్ సినిమాతో మంచి గుర్తింపు తెచ్చుకున్న శ్రీ గౌరీ ప్రియ ఈ సినిమాలో హీరోయిన్గా నటిస్తోంది. ప్రముఖ సంగీత దర్శకుడు జస్టిన్ ప్రభాకరన్ ఈ సినిమాకు సంగీతాన్ని అందిస్తున్నారు. ప్రస్తుతం ఈ సినిమా షూటింగ్ చకచకా జరుగుతున్నట్టుగా తెలుస్తోంది.