DNews: Feb 07: బాలయేసు శ్రైన్ వార్షిక మహోత్సవం కమ్మగూడలో అత్యంత ఆధ్యాత్మికంగా, వైభవంగా జరుగుతుంది. ప్రతి సంవత్సరం ఫిబ్రవరి రెండవ ఆదివారం ఈ గ్రామోత్సవం నిర్వహించబడుతుంది. తొమ్మిది రోజుల పాటు ప్రత్యేక ప్రార్థనలు, భక్తి గీతాలు, ఆరాధనలు జరుగుతాయి. దేశంలోని వివిధ రాష్ట్రాల నుండి వేలాది మంది క్రైస్తవులు, మతపెద్దలు ఈ ప్రాంతానికి చేరుకుని బాలయేసు శిశువును ఆరాధిస్తారు. ఆయన కృపతో తమ జీవితాలు వెలుగుతో నిండాలని, ఆనందంతో అభివృద్ధి చెందాలని ప్రార్థిస్తారు.
చర్చిని విద్యుత్ దీపాలతో అలంకరించి, మాతామహి గృహం, క్రీస్తు జీవిత దృశ్యాలు, కలవరికొండలోని మరియమ్మ శ్రైన్, పవిత్ర భూమిపై ఏర్పాటు చేసిన విగ్రహాలు అందరినీ ఆకర్షిస్తాయి. శనివారం, ఆదివారం రెండు రోజుల పాటు బాలయేసు మహోత్సవం ఘనంగా జరుగుతుంది. ఆదివారం ఉదయం 4 గంటలకు ఫాదర్ గోవిందు ఆరోగ్యస్వామి, 5 గంటలకు ఫాదర్ బోనగిరి బాల ఆంథోని తెలుగు దివ్యబలిపూజ నిర్వహిస్తారు. ఉదయం 6 గంటలకు బోయిగూడ నుండి బాలయేసు తెరువు ప్రదక్షిణ ప్రారంభమవుతుంది. 9.30 గంటలకు థాతిరెడ్డి జయరాజ్ రెడ్డి ఇంగ్లీషులో, 11.30 గంటలకు ఫాదర్ సిరిల్ తెలుగులో దివ్యబలిపూజ చేస్తారు.
ఈ శ్రైన్ 1920లో నిర్మించబడింది. 1977లో అగ్రపీఠాధిపతి స్వామినేని అరుగ్యలప్ప ప్రారంభించి, 1979లో మొదటి మహోత్సవం జరిగింది. అప్పటి నుండి ప్రతి సంవత్సరం ఫిబ్రవరి రెండవ ఆదివారం గ్రామోత్సవంగా జరుపుకుంటున్నారు. గులాబీ రంగులోని రెండు 100 అడుగుల గాలి గోపురాలు, 150 కిలోల కంచు గంట ప్రత్యేక ఆకర్షణలు.
తెలంగాణ, ఆంధ్రప్రదేశ్, తమిళనాడు, కేరళతో పాటు దేశంలోని ఇతర ప్రాంతాల నుండి క్రైస్తవ మతపెద్దలు, నాయకులు ఈ మహోత్సవానికి హాజరై బాలయేసు శిశువుకు నమస్కరిస్తారు. ఆయన కృపతో ప్రజలకు ఆరోగ్యం, ఆనందం కలగాలని ప్రార్థిస్తారు.