D Educt: Oct 11: భారత ప్రభుత్వ విద్యుత్తు మంత్రిత్వ శాఖ పరిధిలోని సెంట్రల్ పవర్ రిసెర్చ్ ఇన్‌స్టిట్యూట్‌ (CPRI)లో ఉద్యోగాల భర్తీకి దరఖాస్తు గడువు ముగియనుంది. దేశవ్యాప్తంగా ఉన్న CPRI కార్యాలయాల్లో మొత్తం 110 పోస్టులను భర్తీ చేయనున్నారు. ఈ పోస్టులకు ఆన్‌లైన్‌లో దరఖాస్తు చేసుకునేందుకు అక్టోబర్‌ 12 చివరి తేదీగా నిర్ణయించారు.
ఈ నియామకాల ద్వారా ఇంజినీరింగ్‌ ఆఫీసర్ గ్రేడ్‌-1, సైంటిఫిక్‌/ఇంజినీరింగ్‌ అసిస్టెంట్‌, టెక్నీషియన్‌, అసిస్టెంట్‌ గ్రేడ్‌-2, మల్టీ టాస్కింగ్‌ స్టాఫ్‌ (MTS) తదితర పోస్టులను భర్తీ చేయనున్నారు. పోస్టును బట్టి అభ్యర్థులు సివిల్‌, ఎలక్ట్రికల్‌, ఎలక్ట్రానిక్స్‌ విభాగాల్లో ఫస్ట్‌ క్లాస్‌ బీఈ/బీటెక్‌ లేదా సంబంధిత విభాగంలో పదో తరగతి, డిప్లొమా, డిగ్రీ పూర్తి చేసి ఉండాలి.
ఈ ఉద్యోగాలకు దరఖాస్తు చేసుకునే అభ్యర్థులకు పోస్టును బట్టి 25 నుంచి 35 ఏళ్ల మధ్య వయోపరిమితి వర్తిస్తుంది. ఎంపికైన అభ్యర్థులకు నెలకు రూ.18,000 నుంచి రూ.65,000 వరకు వేతనం లభిస్తుంది. రిజర్వేషన్‌ వర్గాలకు వర్తించే వయోపరిమితి సడలింపులు, ఇతర అర్హతల వివరాలను అధికారిక నోటిఫికేషన్‌లో పరిశీలించాలి.
అభ్యర్థుల ఎంపిక కోసం కంప్యూటర్‌ ఆధారిత పరీక్ష (CBT), ప్రాక్టికల్‌ స్కిల్‌ టెస్ట్‌ నిర్వహించనున్నారు. అర్హత, ఆసక్తి ఉన్న అభ్యర్థులు నిర్ణీత గడువులోగా ఆన్‌లైన్‌ ద్వారా దరఖాస్తు చేసుకోవాలి. దరఖాస్తు ప్రక్రియను పూర్తి చేసే ముందు విద్యార్హతలు, వయోపరిమితి, ఎంపిక విధానం, అవసరమైన ధ్రువపత్రాలకు సంబంధించిన వివరాలను అధికారిక నోటిఫికేషన్‌లో ధ్రువీకరించుకోవాలి.