D Educt: Sept 8: కేంద్ర హోం వ్యవహారాల మంత్రిత్వ శాఖ (MHA) ఆధ్వర్యంలోని సెంట్రల్ ఆర్మ్‌డ్ పోలీస్ ఫోర్సెస్ (CAPF)లో మెడికల్ ఆఫీసర్ క్యాడర్ పోస్టుల భర్తీకి నోటిఫికేషన్‌ విడుదలైంది. బీఎస్‌ఎఫ్‌ (BSF), సీఆర్‌పీఎఫ్‌ (CRPF), ఐటీబీపీ (ITBP), ఎస్‌ఎస్‌బీ (SSB), అస్సాం రైఫిల్స్‌లో ఈ పోస్టులను భర్తీ చేయనున్నారు.
ఈ నియామకాలకు సంబంధించి ఇండో-టిబెటన్ బోర్డర్ పోలీస్ (ITBP) విడుదల చేసిన నోటిఫికేషన్‌ దరఖాస్తు గడువు నేటితో ముగియనుంది. అర్హత, ఆసక్తి ఉన్న అభ్యర్థులు నేటి సాయంత్రం వరకు ఆన్‌లైన్‌ ద్వారా దరఖాస్తు చేసుకోవచ్చు. చివరి నిమిషంలో సాంకేతిక సమస్యలు తలెత్తకుండా వీలైనంత త్వరగా అప్లికేషన్‌ ప్రక్రియను పూర్తి చేసుకోవాలని అధికారులు సూచిస్తున్నారు.
ఈ పోస్టులకు ఎంపికైన అభ్యర్థులకు నెలకు రూ.78,800 నుంచి రూ.2,08,700 వరకు వేతనం లభించనుంది. మెడికల్ ఆఫీసర్ పోస్టులు కావడంతో సంబంధిత విద్యార్హతలు, నిబంధనలను అభ్యర్థులు అధికారిక నోటిఫికేషన్‌లో తప్పనిసరిగా పరిశీలించుకోవాలి.
అభ్యర్థుల ఎంపిక ప్రక్రియలో ఇంటర్వ్యూకు 200 మార్కులు కేటాయించారు. దీనితో పాటు ఫిజికల్ స్టాండర్డ్ టెస్ట్ (PST), మెడికల్ ఎగ్జామినేషన్‌ నిర్వహించనున్నారు. ఈ దశల్లో అభ్యర్థుల ప్రతిభ, శారీరక ప్రమాణాలు, వైద్యపరమైన అర్హతలను పరిశీలించి తుది ఎంపిక చేపట్టనున్నారు.