D Spiritual Sep 25:ఇంద్రకీలాద్రిపై శ్రీ కాత్యాయినీ దేవి దర్శనం: విశిష్టత, పూజా ఫలాలు
శరన్నవరాత్రి ఉత్సవాల్లో భాగంగా విజయవాడ ఇంద్రకీలాద్రిపై కొలువైన కనకదుర్గమ్మ రోజుకో అలంకారంలో భక్తులకు దర్శనమిస్తోంది. ఉత్సవాల్లో నాలుగో రోజు, అనగా సెప్టెంబర్ 25న, దుర్గాదేవి శ్రీ కాత్యాయినీ దేవి అలంకారంలో భక్తులను అనుగ్రహిస్తుంది.
శ్రీ కాత్యాయినీ దేవి అలంకారం
శరన్నవరాత్రి ఉత్సవాలలో మొదటి మూడు రోజులు బాలా త్రిపురసుందరి, గాయత్రిదేవి, అన్నపూర్ణ అలంకారాలలో దుర్గమ్మ దర్శనమిచ్చింది. నాలుగో రోజున అమ్మవారు శ్రీ కాత్యాయనీ దేవిగా అలంకృతురాలై భక్తులకు దర్శనమిస్తుంది.
ఈ రోజు అమ్మవారికి సమర్పించేవి:
- పసుపు రంగు చీర సమర్పిస్తారు.
- అరటిపండ్లు బెల్లం పొంగలి దద్దోజనం గారెలు లడ్డూ పులిహోర నైవేద్యంగా సమర్పిస్తారు.
- పాయసాన్నం నివేదిస్తారు.
సింహవాహనంపై కొలువై అభయమిచ్చే కాత్యాయనీ మాతను దర్శించుకునే వారికి చతుర్విధ పురుషార్థాల (ధర్మ, అర్థ, కామ, మోక్ష) ఫలం లభిస్తుందని ప్రతీతి.
కాత్యాయినీ దేవి పుట్టుక, స్వరూపం
కాత్యాయనుడు అనే మహర్షి తపస్సు చేసి, స్వయంగా అమ్మవారే తన ఇంట పుత్రికగా జన్మించాలని వరం కోరుకున్నారు. ఆ మహర్షి ఇంట జన్మించింది కాబట్టే అమ్మవారికి కాత్యాయనీ అనే పేరు వచ్చింది.
కాత్యాయనీ దేవి అభయవర ముద్రలతో పాటు ఖడ్గాన్ని, పద్మాన్ని ధరించి కనిపిస్తుంది.
- పద్మం – అజ్ఞానాన్ని దహించే చిహ్నం.
- ఖడ్గం – ఆపదలు ఎదుర్కొనేందుకు సూచన.
ఈ విధంగా శ్రీ కాత్యాయనీ దేవి అజ్ఞానాన్ని, ఆపదలను దూరం చేసే శక్తి స్వరూపం. ధర్మార్థ కామ మోక్షాలకు అధికారిణి అయిన శ్రీ కాత్యాయనీ దేవి, మహిషాసుర సంహారంలో దుర్గాదేవికి సహాయం చేసిందని స్కాంద పురాణం చెబుతోంది.
పూజ విశిష్టత, లభించే ఫలాలు
శ్రీ కాత్యాయనీ దేవి ఆజ్ఞా చక్రానికి అధిష్ఠాన దేవత. ఆమెను పూజించడం ద్వారా ఆజ్ఞా చక్రం జాగృతమై, ఏకాగ్రత లభిస్తుంది.
ప్రత్యేక ఫలాలు:
విద్యాబుద్ధులు: కాత్యాయనీ అమ్మవారిని పూజిస్తే విద్యార్థులకు తెలివితేటలు, చదువుపై శ్రద్ధ పెరుగుతాయి.
వివాహం: అవివాహితులు ఈమెను పూజిస్తే వివాహానికి ఎదురైన ఆటంకాలు తొలగిపోయి, ఉత్తమ జీవిత భాగస్వామి లభిస్తారు.
దోష నివారణ: పసుపు రంగు చీర సమర్పించి, అరటిపండ్లు, పాయసాన్నం నివేదిస్తే జాతకంలో ఉండే కుజ దోషం, భృగు దోషం తొలగిపోయి సకాలంలో వివాహం జరుగుతుంది.
ఉత్తమ దాంపత్యం: దాంపత్య జీవితంలో వివాదాలు తొలగిపోతాయ
కాత్యాయనీ వ్రత ఫలితం:
ఈ రోజు కాత్యాయనీ వ్రతం ఆచరించిన తర్వాత, విద్వత్తు ఉన్న పండితుడికి ఉలవలు, విభూది, ఎరుపు లేదా బూడిద వర్ణం దుస్తులు దానంగా ఇచ్చి ఆశీర్వాదం తీసుకుంటే:
- జాతకంలో ఉండే దోషాలు తొలగిపోతాయి.
- అప్పుల బాధల నుంచి గట్టెక్కే మార్గం కనిపిస్తుంది.
- వాహన గండాలు తొలగిపోయి, వాహనయోగం కలుగుతుంది.
ఈ శ్లోకంతో అమ్మవారిని స్తుతిస్తారు: *‘చంద్ర హాజ్జ్వల కరా శార్ద