కార్తీక్ దండు – నాగచైతన్య మైథలాజికల్ థ్రిల్లర్ వృషకర్మ టీజర్ అప్‌డేట్!

DET:FEB 25:
టీజర్ విడుదలకు ముహూర్తం ఖరారు?
నాగచైతన్య కెరీర్‌లో 24వ చిత్రంగా వస్తున్న వృషకర్మ సినిమాపై భారీ అంచనాలు ఉన్నాయి.తాజా సమాచారం ప్రకారం ఈ సినిమా టీజర్‌ను మార్చి 5న విడుదల చేసేందుకు చిత్ర యూనిట్ ప్లాన్ చేస్తున్నట్లు తెలుస్తోంది.ఇప్పటికే షూటింగ్ శరవేగంగా జరుపుకుంటున్న ఈ మూవీ నుండి ఒక పవర్‌ఫుల్ అప్‌డేట్ ఇవ్వాలని మేకర్స్ భావిస్తున్నారట.

మైథలాజికల్ థ్రిల్లర్‌గా వృషకర్మ:
విరూపాక్ష సినిమాతో బ్లాక్ బస్టర్ హిట్ అందుకున్న డైరెక్టర్ కార్తీక్ దండు ఈ చిత్రానికి దర్శకత్వం వహిస్తున్నారు.ఇదొక మైథలాజికల్ అడ్వెంచర్ థ్రిల్లర్ అని సమాచారం.నాగచైతన్య ఈ సినిమాలో మునుపెన్నడూ చూడని సరికొత్త మాస్ లుక్‌లో కనిపిస్తారని ఇప్పటికే విడుదలైన పోస్టర్లు హింట్ ఇచ్చాయి.నిధి కోసం వేటాడే ఒక సాహసికుడిగా చైతూ పాత్ర ఉంటుందని ఫ్యాన్స్ ఆశగా ఎదురుచూస్తున్నారు.

భారీ సాంకేతిక నిపుణుల కలయిక:
ఈ సినిమాను ప్రముఖ నిర్మాణ సంస్థలు శ్రీ వెంకటేశ్వర సినీ చిత్ర మరియు సుకుమార్ రైటింగ్స్ సంయుక్తంగా నిర్మిస్తున్నాయి.స్టార్ డైరెక్టర్ సుకుమార్ ఈ చిత్రానికి స్క్రీన్‌ప్లే అందిస్తుండటం విశేషం.ఇక కాంతార ఫేమ్ అజనీష్ లోక్‌నాథ్ ఈ సినిమాకు సంగీతాన్ని అందిస్తున్నారు.హీరోయిన్‌గా మీనాక్షి చౌదరి నటిస్తుండగా లాపతా లేడీస్ ఫేమ్ స్పర్శ్ శ్రీవాస్తవ విలన్ పాత్రలో కనిపించబోతున్నారు.

అక్కినేని అభిమానుల్లో జోష్:
గతేడాది తండేల్ సినిమాతో బిజీగా ఉన్న చైతన్య ఇప్పుడు ఈ ప్రయోగాత్మక చిత్రంతో ప్రేక్షకుల ముందుకు రాబోతున్నారు.మార్చి 5న టీజర్ వస్తుందన్న వార్తతో అక్కినేని అభిమానులు సోషల్ మీడియాలో సందడి చేస్తున్నారు.అధికారిక ప్రకటన వస్తే ఈ ఉత్సాహం మరింత రెట్టింపు కావడం ఖాయం.