చిరంజీవి భుజానికి కీహోల్ శస్త్రచికిత్స – అసలు ఏం జరిగిందంటే?

DET:FEB 19:
సోషల్ మీడియాలో వైరల్ అయిన ఫోటోలు:
ఇటీవల మెగాస్టార్ చిరంజీవి ఒక ఫోటోలో తన చేతికి ఆర్మ్ స్లింగ్ ధరించి కనిపించడంతో అభిమానులు ఒక్కసారిగా ఆందోళనకు గురయ్యారు.సోషల్ మీడియా వేదికగా అన్నయ్యకు ఏమైంది? అంటూ వేల సంఖ్యలో సందేశాలు రావడంతో దీనిపై స్పందించాల్సిన అవసరం ఏర్పడింది.అభిమానుల ప్రేమను చూసి చలించిన చిరంజీవి స్వయంగా తన ఆరోగ్య పరిస్థితిపై క్లారిటీ ఇచ్చారు.

భుజానికి కీహోల్ సర్జరీ:
అభిమానుల అభ్యర్థన మేరకు చిరంజీవి తన ఆరోగ్య పరిస్థితిని వివరిస్తూ తన కుడి భుజానికి కీహోల్ సర్జరీ జరిగినట్లు వెల్లడించారు.గత కొంతకాలంగా భుజం నొప్పితో బాధపడుతున్న ఆయనకు వైద్యులు చిన్నపాటి శస్త్రచికిత్స అవసరమని సూచించడంతో ఈ నిర్ణయం తీసుకున్నట్లు తెలిపారు.ఇది పెద్ద సర్జరీ కాదని కేవలం చిన్న రంధ్రం ద్వారా చేసే చికిత్స అని ఆయన వివరించారు.

ఆందోళన చెందవద్దని మెగాస్టార్ విన్నపం:
తన ఆరోగ్యం పట్ల ఆందోళన వ్యక్తం చేస్తున్న అభిమానులకు చిరంజీవి ధైర్యం చెప్పారు.ప్రస్తుతం తాను చాలా క్షేమంగా ఉన్నానని శస్త్రచికిత్స విజయవంతంగా పూర్తయిందని ఆయన పేర్కొన్నారు.కేవలం ముందుజాగ్రత్త చర్యగా వైద్యుల సూచన మేరకు కొన్ని రోజుల పాటు విశ్రాంతి తీసుకుంటున్నట్లు ఆయన స్పష్టం చేశారు.త్వరలోనే తాను పూర్తిస్థాయిలో కోలుకుంటానని ఆశాభావం వ్యక్తం చేశారు.

త్వరలోనే షూటింగ్‌లో బిజీ:
సర్జరీ తర్వాత కోలుకోవడానికి కొన్ని రోజులు సమయం పడుతుందని ఆ తర్వాత తిరిగి తన సినిమా షూటింగ్‌లలో పాల్గొంటానని చిరంజీవి తెలిపారు.తన ప్రాజెక్టుల విషయంలో ఎవరూ టెన్షన్ పడాల్సిన అవసరం లేదని త్వరలోనే మునుపటి ఉత్సాహంతో కెమెరా ముందుకు వస్తానని ఆయన చెప్పారు.మెగాస్టార్ ఇచ్చిన ఈ అప్‌డేట్‌తో అభిమానులు ఊపిరి పీల్చుకున్నారు.