DNews:14 Feb: తెలంగాణ రాష్ట్రంలో మున్సిపల్ ఎన్నికల ప్రక్రియ ముగింపు దశకు చేరుకుంది. ఈ క్రమంలోనే మున్సిపల్ చైర్మన్లు, వైస్ చైర్మన్లు మరియు మేయర్ల ఎన్నిక కోసం రాష్ట్ర ఎన్నికల సంఘం (SEC) అధికారిక నోటిఫికేషన్ను విడుదల చేసింది. ఈ ఎన్నికల కోసం అధికారులు ముహూర్తాన్ని ఖరారు చేశారు.
ఎన్నికల సంఘం వెల్లడించిన షెడ్యూల్ వివరాల ప్రకారం, ఫిబ్రవరి 18వ తేదీన రాష్ట్రవ్యాప్తంగా అన్ని మున్సిపాలిటీల్లోనూ చైర్మన్, మేయర్ పదవులకు ఎన్నికలు జరగనున్నాయి. ఆ రోజు ఉదయం ఎన్నికైన వార్డు సభ్యులు ప్రమాణ స్వీకారం చేస్తారు. అనంతరం మధ్యాహ్నం ప్రత్యక్ష పద్ధతిలో చైర్మన్, మేయర్లను ఎన్నుకుంటారు.
ఈ ఎన్నికల్లో ఎక్స్అఫీషియో ఓట్లు అత్యంత కీలకం కానున్నాయి. ఏ పార్టీకి స్పష్టమైన మెజారిటీ లేని చోట్ల (హంగ్ ఏర్పడిన మున్సిపాలిటీల్లో), ఎంపీలు, ఎమ్మెల్యేలు మరియు ఎమ్మెల్సీల ఓట్లతో చైర్మన్ పీఠాన్ని దక్కించుకునేందుకు ప్రధాన పార్టీలు వ్యూహరచన చేస్తున్నాయి. ఇప్పటికే ఎన్నికల సంఘం ఎక్స్అఫీషియో ఓట్ల నమోదుకు సంబంధించిన గడువును కూడా పూర్తి చేసింది.