D Spiritual: Jan 27: దీపారాధన నిర్వహించే సమయంలో కొన్ని నియమాలు తప్పనిసరిగా పాటించాలని పండితులు సూచిస్తున్నారు. ముఖ్యంగా ఇతరుల అగ్గిపెట్టెను ఉపయోగించకూడదని చెబుతారు. ఇది శుభకరం కాదని, అలా చేస్తే దీపారాధన ద్వారా లభించే పుణ్యఫలం మనకు కాకుండా ఇతరులకు చేరుతుందనే నమ్మకం ఉంది.
అలాగే ఇప్పటికే వెలుగుతున్న ఇతరుల దీపాల నుంచి మన దీపాన్ని వెలిగించడం కూడా తగదని ఆధ్యాత్మికవేత్తలు పేర్కొంటున్నారు. దీపారాధన కోసం స్వయంగా కొనుగోలు చేసిన అగ్గిపెట్టెతోనే దీపం వెలిగించడం శ్రేయస్కరమని (Hindu Traditions) చెబుతున్నాయి. స్నేహితులు లేదా బంధువులతో కలిసి గుడికి వెళ్లిన సందర్భాల్లో కూడా పూజకు అవసరమైన సామగ్రిని సొంత ఖర్చుతోనే కొనుగోలు చేయడం ఉత్తమమని పండితుల అభిప్రాయం. అలా చేసినప్పుడే ఆ పూజకు సంబంధించిన పుణ్యఫలం పూర్తిగా మనకే దక్కుతుందని వారు అంటున్నారు.
ఈ విధంగా చిన్నచిన్న నియమాలను పాటించడం ద్వారా ఆధ్యాత్మిక సంతృప్తితో పాటు శుభఫలితాలు కూడా లభిస్తాయని విశ్వసిస్తున్నారు. దీపారాధనను కేవలం ఒక ఆచారంగా కాకుండా, నియమ నిష్ఠతో చేసే భక్తి ప్రక్రియగా భావించాలని పండితులు సూచిస్తున్నారు.