D Spiritual: Jan 24: అరుణోదయ స్నానం చేయాలంటే రథసప్తమి రోజున సూర్యోదయానికి ముందే నిద్రలేచి తూర్పు దిశగా ముఖం చేసి నిలవాలి. ఇది సూర్యభక్తికి సంబంధించిన ప్రత్యేకమైన ఆచారంగా భావిస్తారు. ఈ స్నానం ద్వారా సూర్యుని అనుగ్రహం పొందవచ్చని భక్తులు విశ్వసిస్తారు.
స్నాన సమయంలో తలపై ఒక జిల్లేడు ఆకు, భుజాలు, మోచేతులు, మోకాళ్లపై రెండేసి చొప్పున కలిపి మొత్తం ఏడు జిల్లేడు ఆకులు పెట్టుకోవాలి. ఆ జిల్లేడు ఆకులపై రేగుపళ్లను ఉంచి స్నానం చేయడం ఆనవాయితీగా కొనసాగుతోంది.
ఈ విధంగా స్నానం చేస్తూ సూర్య మంత్రాలను పఠించడం వల్ల శారీరక శక్తి పెరగడంతో పాటు శుభ ఫలితాలు లభిస్తాయని నమ్మకం. అరుణోదయ స్నానం మనసుకు ప్రశాంతతను, శరీరానికి ఉత్సాహాన్ని ఇస్తుందని భక్తులు చెబుతారు.
రథసప్తమి రోజున నెత్తినపై రేగుపళ్లను ఉంచుకోవడం వల్ల అనారోగ్య సమస్యలు తగ్గుతాయని, శరీర శక్తి మరింత పెరుగుతుందని విశ్వాసం ఉంది. ఈ ఆచారం ఆరోగ్య పరంగా కూడా మేలు చేస్తుందని పెద్దలు చెబుతుంటారు.
స్నానం పూర్తయిన అనంతరం సూర్య భగవానునికి అర్ఘ్యం సమర్పించాలి. దీని ద్వారా ఆయురారోగ్యం, ఆర్థిక స్థిరత్వం, కార్యసిద్ధి లభిస్తాయని పూజారులు విశ్వసిస్తున్నారు. అలాగే గత జన్మ పాపాలు తొలగిపోతాయని భక్తుల నమ్మకం.