DSports Jan12 2026: భారత క్రికెట్ జట్టులో గత కొంతకాలంగా వెతుకుతున్న ‘సీమ్ బౌలింగ్ ఆల్రౌండర్’ కొరత తీరబోతోందా? అంటే అవుననే సమాధానం వినిపిస్తోంది. వడోదరలో న్యూజిలాండ్తో జరిగిన తొలి వన్డేలో అటు బౌలింగ్లోనూ, ఇటు బ్యాటింగ్లోనూ మెరిసిన యువ పేసర్ హర్షిత్ రాణా, మ్యాచ్ అనంతరం తన పాత్రపై క్లారిటీ ఇచ్చాడు. జట్టు మేనేజ్మెంట్ తనను కేవలం బౌలర్గా మాత్రమే కాకుండా, ఒక నమ్మకమైన ఆల్రౌండర్గా చూడాలని కోరుకుంటున్నట్లు తెలిపాడు.
- కివీస్ ఓపెనర్లు డెవాన్ కాన్వే, హెన్రీ నికోల్స్ జోడీని విడదీసి భారత్కు కీలక బ్రేక్ ఇచ్చాడు.
విరాట్ కోహ్లీ అవుట్ అయ్యాక జట్టు కష్టాల్లో ఉన్న సమయంలో.. వాషింగ్టన్ సుందర్ కంటే ముందే 7వ స్థానంలో బ్యాటింగ్కు వచ్చి 23 బంతుల్లో 29 పరుగులు (2 ఫోర్లు, 1 సిక్సర్) చేసి కేఎల్ రాహుల్పై ఒత్తిడి తగ్గించాడు. - ప్రెస్ కాన్ఫరెన్స్లో హర్షిత్ రాణా మాట్లాడుతూ.. “టీమ్ మేనేజ్మెంట్ నన్ను ఒక ఆల్రౌండర్గా తీర్చిదిద్దాలని (Groom) భావిస్తోంది. 8వ స్థానంలో బ్యాటింగ్కు వచ్చి జట్టుకు అవసరమైనప్పుడు 30 నుంచి 40 పరుగులు చేయగలగాలని కోచ్ గౌతమ్ గంభీర్ నాకు సూచించారు. అందుకే నెట్స్లో బౌలింగ్తో పాటు బ్యాటింగ్కు కూడా సమానంగా సమయం కేటాయిస్తున్నాను” అని తెలిపాడు.