DET:DEC 24:
జన నాయగన్ హిందీ టైటిల్ ఖరారు:
దళపతి విజయ్ కథానాయకుడిగా హెచ్.వినోద్ దర్శకత్వంలో రూపొందుతున్న భారీ యాక్షన్ ఎంటర్టైనర్ జన నాయగన్.ఈ చిత్రానికి తెలుగు,తమిళ వెర్షన్లకు ఇదే పేరును ఖరారు చేయగా తాజాగా హిందీ టైటిల్ను చిత్ర యూనిట్ ప్రకటించింది. హిందీలో ఈ సినిమాను జన్ నేత అనే పేరుతో విడుదల చేయనున్నారు.విజయ్ ఈ సినిమాలో ఒక శక్తివంతమైన ప్రజా నాయకుడిగా కనిపించబోతున్నారని ఈ టైటిల్స్ స్పష్టం చేస్తున్నాయి.
ఇంటెన్స్ లుక్లో బాబీ డియోల్:
ఈ సినిమాకు సంబంధించి తాజాగా విడుదలైన పోస్టర్ ప్రేక్షకుల్లో అంచనాలను పెంచేసింది.ఇందులో బాలీవుడ్ నటుడు బాబీ డియోల్ అత్యంత క్రూరమైన ఇంటెన్స్ లుక్లో కనిపిస్తున్నారు.యానిమల్ సినిమా తర్వాత బాబీ డియోల్ విలన్ పాత్రలకు పెట్టింది పేరుగా మారారు.ఈ చిత్రంలో విజయ్కు గట్టి పోటీ ఇచ్చే ప్రతి నాయకుడిగా ఆయన నటించబోతున్నారు. ఈ ఇద్దరు దిగ్గజ నటుల మధ్య జరిగే పోరు వెండితెరపై కళ్లు చెదిరేలా ఉండబోతుందని ఈ పోస్టర్ హింట్ ఇస్తోంది.
విజయ్ కెరీర్లో చివరి సినిమా:
రాజకీయాల్లోకి పూర్తిస్థాయిలో ప్రవేశించనున్నట్లు ప్రకటించిన విజయ్ తన సినీ ప్రయాణానికి ఈ చిత్రంతో ముగింపు పలకనున్నారు.అందుకే ఈ సినిమాపై అభిమానుల్లో భారీ అంచనాలు ఉన్నాయి.కేవలం యాక్షన్ మాత్రమే కాకుండా సామాజిక అంశాలను స్పృశిస్తూ ఈ కథ సాగనున్నట్లు తెలుస్తోంది.కెవిఎన్ ప్రొడక్షన్స్ భారీ బడ్జెట్తో నిర్మిస్తున్న ఈ చిత్రానికి అనిరుధ్ రవిచందర్ సంగీతం అందిస్తున్నారు.