DET:DEC 24:
మెగా 158 క్రేజీ కాంబినేషన్ సెట్ అయిందా?
మెగాస్టార్ చిరంజీవి తన 158వ చిత్రాన్ని మాస్ డైరెక్టర్ బాబీ కొల్లి దర్శకత్వంలో చేయబోతున్న సంగతి తెలిసిందే.గతంలో వీరిద్దరి కాంబినేషన్లో వచ్చిన వాల్తేరు వీరయ్య బాక్సాఫీస్ వద్ద బ్లాక్బస్టర్ హిట్గా నిలిచింది.ఇప్పుడు మరోసారి ఈ కాంబో రిపీట్ అవుతుండటంతో అంచనాలు ఆకాశాన్నంటుతున్నాయి.అయితే ఈ సినిమాలో మలయాళ దిగ్గజ నటుడు మోహన్లాల్ ఒక కీలక పాత్రలో నటించబోతున్నట్లు వార్తలు వస్తున్నాయి.ఇదే నిజమైతే ఈ ఇద్దరు లెజెండరీ నటులు కలిసి నటిస్తున్న మొదటి సినిమా ఇదే అవుతుంది.
కథలో మోహన్లాల్ పాత్ర ఏంటి?
ఫిల్మ్ నగర్ సమాచారం ప్రకారం ఈ చిత్రంలో మోహన్లాల్ కేవలం అతిథి పాత్రలో కాకుండా కథను మలుపు తిప్పే అత్యంత శక్తివంతమైన పాత్రలో కనిపిస్తారని తెలుస్తోంది.ఒక గ్యాంగ్స్టర్ డ్రామాగా తెరకెక్కనున్న ఈ సినిమాలో చిరంజీవి మాస్ లుక్లో అలరించబోతుండగా మోహన్లాల్ పాత్ర సినిమాకు మేజర్ హైలైట్ అవుతుందని టాక్.ఇద్దరు నటుల మధ్య వచ్చే సన్నివేశాలు థియేటర్లలో పూనకాలు తెప్పిస్తాయని ఫ్యాన్స్ ఆశిస్తున్నారు.
పాన్ ఇండియా లెవెల్లో భారీ ప్లాన్:
ఈ సినిమాను కేవీఎన్ ప్రొడక్షన్స్ భారీ బడ్జెట్తో నిర్మిస్తోంది.ఇప్పటికే ఈ సినిమాలో తమిళ స్టార్ హీరో కార్తీ కూడా నటిస్తున్నట్లు ప్రచారం జరుగుతుండగా ఇప్పుడు మోహన్లాల్ పేరు కూడా చేరడంతో ఈ ప్రాజెక్ట్ రేంజ్ పాన్ ఇండియా స్థాయికి చేరింది. మలయాళంలో మోహన్లాల్కు ఉన్న క్రేజ్ ఈ సినిమా బిజినెస్కు మరియు రీచ్కు పెద్ద ప్లస్ అవుతుందని చిత్ర యూనిట్ భావిస్తోంది.
అధికారిక ప్రకటన కోసం ఎదురుచూపులు:
ప్రస్తుతం చిరంజీవి విశ్వంభర మరియు మన శంకర వరప్రసాద్ గారు వంటి చిత్రాలతో బిజీగా ఉన్నారు.ఆ చిత్రాల షూటింగ్ పూర్తయిన వెంటనే బాబీ ప్రాజెక్ట్ పట్టాలెక్కనుంది మోహన్లాల్ చేరికపై సోషల్ మీడియాలో భారీగా చర్చ జరుగుతున్నప్పటికీ చిత్ర యూనిట్ నుండి ఇంకా అధికారిక ప్రకటన రావాల్సి ఉంది.ఒకవేళ ఈ కాంబో సెట్ అయితే సౌత్ ఇండియన్ సినిమా హిస్టరీలో ఇది ఒక అతిపెద్ద మల్టీస్టారర్ మూవీగా నిలిచిపోవడం ఖాయం.