DET:DEC 12:
లాక్‌డౌన్ మళ్లీ వాయిదా అభిమానుల్లో నిరాశ:
మలయాళీ ముద్దుగుమ్మ అనుపమ పరమేశ్వరన్ ప్రధాన పాత్రలో నటించిన సర్వైవల్ థ్రిల్లర్ చిత్రం లాక్‌డౌన్.ఈ సినిమా విడుదల కోసం ప్రేక్షకులు చాలా కాలంగా ఎదురుచూస్తున్నారు.మొదట ఈ చిత్రం డిసెంబర్ 5,2025న విడుదల కావాల్సి ఉంది.అయితే తమిళనాడులో భారీ వర్షాలు తుఫాను కారణంగా మేకర్స్ ఆ తేదీని డిసెంబర్ 12,2025కు వాయిదా వేశారు.మళ్లీ ఈ రెండో తేదీని కూడా తప్పించక తప్పలేదు.ఊహించని కారణాల వల్ల డిసెంబర్ 12న కూడా సినిమాను విడుదల చేయలేకపోతున్నామని నిర్మాణ సంస్థ లైకా ప్రొడక్షన్స్ ప్రకటించింది.కేవలం రెండు వారాల్లోనే రెండుసార్లు విడుదల వాయిదా పడడంతో ఫ్యాన్స్‌లో కొంత అసహనం వ్యక్తమవుతోంది.
సినిమా నేపథ్యం నిర్మాణం:
లాక్‌డౌన్ చిత్రం కరోనా లాక్‌డౌన్ సమయంలో జరిగిన నిజ జీవిత సంఘటనల ఆధారంగా రూపొందించబడింది.ఇది ఒక భావోద్వేగ థ్రిల్లర్ అని చిత్ర బృందం తెలిపింది.ఏఆర్ జీవా ఈ చిత్రానికి దర్శకత్వం వహించారు.ఈ సినిమా నిర్మాణాన్ని ప్రముఖ నిర్మాణ సంస్థ లైకా ప్రొడక్షన్స్ భారీ బడ్జెట్‌తో నిర్మించింది.నటీనటుల విషయానికి వస్తే,అనుపమతో పాటు చార్లీ,నిరోషా,ప్రియా వెంకట్ వంటి నటులు ముఖ్యపాత్రలు పోషించారు.సినిమాలోని అనిత పాత్ర మధ్యతరగతి అమ్మాయి జీవితాన్ని,ఆ లాక్‌డౌన్ కష్టాలను ప్రతిబింబిస్తుందని తెలుస్తోంది.
2025లో విడుదల ఉంటుందా?కొత్త డేట్ ఎప్పుడు?
రెండుసార్లు వాయిదా పడటంతో అసలు ఈ సినిమా 2025లోనే విడుదల అవుతుందా అనే సందేహం ప్రేక్షకుల్లో మొదలైంది. అయితే నిర్మాణ సంస్థ తమ ప్రకటనలో సాధ్యమైనంత ఉత్తమమైన పరిస్థితులలో ఈ చిత్రం మీ వద్దకు చేరేలా మేము కృషి చేస్తాం. కొత్త విడుదల తేదీని త్వరలోనే ప్రకటిస్తాం అని స్పష్టం చేసింది.దీన్ని బట్టి చూస్తే ఈ ఏడాది 2025 ముగింపులోపు లేదా డిసెంబర్ చివరి వారంలో అయినా కొత్త విడుదల తేదీని ప్రకటించే అవకాశం ఉంది.లైకా ప్రొడక్షన్స్ లాంటి పెద్ద బ్యానర్‌కు సంబంధించిన సినిమా కాబట్టి,2026 ప్రారంభంలో అయినా మంచి రిలీజ్ డేట్‌తో ఈ సినిమా ప్రేక్షకుల ముందుకు వచ్చే అవకాశం ఉంది.ప్రస్తుతానికి,చిత్ర బృందం నుండి కొత్త విడుదల తేదీ ప్రకటన కోసం అందరూ ఎదురుచూస్తున్నారు.