DET:DEC 06:
దీపికా పడుకొనే రివ్యూ ధూరందర్ మూవీ చూసిన తర్వాత:
బాలీవుడ్ స్టార్ రణ్వీర్ సింగ్ నటించిన కొత్త సినిమా ధూరందర్ థియేటర్లలోకి వచ్చింది. అయితే ఈ సినిమా విడుదలైన వెంటనే, దీనిపై నెటిజన్ల రియాక్షన్ల కంటే రణ్వీర్ భార్య, నటి దీపికా పడుకొనే రివ్యూ గురించే ఎక్కువగా చర్చ జరుగుతోంది. ఈ సినిమా నిడివి 3 గంటల 34 నిమిషాలు ఉండటం వల్ల, కొంతమంది సినిమా అంతసేపు చూడటం కష్టమని అనుకున్నారు. కానీ, దీపికా మాత్రం ఈ అంశంపై భిన్నంగా స్పందించింది.
3.34 గంటల్లో ప్రతీ నిమిషం విలువైనదే – దీపికా మాట
ధూరందర్ సినిమా చూసిన తర్వాత దీపికా పడుకొనే తన ఇన్స్టాగ్రామ్ స్టోరీస్లో ఒక మెసేజ్ పోస్ట్ చేసింది. అందులో ఆమె ధూరందర్ సినిమా చూశాను.ఆ 3.34 గంటల్లోని ప్రతీ నిమిషం విలువైనదే అని రాసుకొచ్చింది. అంటే దాదాపు మూడున్నర గంటల నిడివి ఉన్నప్పటికీ సినిమా ఏమాత్రం బోర్ కొట్టకుండా ఆద్యంతం ఆసక్తికరంగా ఉందనేది దీపికా అభిప్రాయం. ఈ రివ్యూతో సినిమా ఎక్కువ నిడివి గురించి సందేహాలు ఉన్న ప్రేక్షకులకు ఒక ధైర్యాన్ని ఇచ్చిందనే చెప్పవచ్చు.
భర్త రణ్వీర్పై గర్వంగా ఉంది కంగ్రాట్స్:
తన భర్త రణ్వీర్ సింగ్ గురించి దీపికా చాలా గర్వంగా ఫీల్ అవుతోంది. అదే పోస్ట్లో రణ్వీర్సింగ్ నిన్ను చూసి నేను చాలా గర్వపడుతున్నాను! మీరు సినిమా హాల్కి వెళ్లి ఈ సినిమా చూడండి! అని చెప్పుకొచ్చింది. అలాగే ధూరందర్ టీమ్ మొత్తానికి అంటే దర్శకుడు ఇతర నటీనటులు, సాంకేతిక నిపుణులందరికీ కూడా అభినందనలు తెలిపింది. రణ్వీర్ తన కొత్త అవతార్లో చేసిన ఈ యాక్షన్ థ్రిల్లర్ పట్ల ఆమె ఎంత సంతోషంగా ఉందో ఈ పోస్ట్ ద్వారా స్పష్టంగా అర్థమవుతోంది.
దీపికా రివ్యూతో పెరిగిన అంచనాలు:
దీపికా పడుకొనే వంటి స్టార్ నటి తన భర్త సినిమా గురించి ఇంత పాజిటివ్గా ముఖ్యంగా సినిమా నిడివి గురించి ప్రత్యేకంగా చెప్పడం అనేది ప్రేక్షకుల్లో మరింత ఆసక్తిని పెంచింది. సాధారణంగా పెద్ద సినిమాలు ఎక్కువ సేపు ఉంటే ప్రేక్షకులు కాస్త ఆలోచిస్తారు, కానీ దీపికా మాటలతో ఈ సినిమాను తప్పకుండా చూడాలనే భావన చాలా మందిలో కలుగుతోంది. అందుకే బాక్సాఫీస్ వద్ద ఈ సినిమా మరింత మంచి వసూళ్లు సాధించే అవకాశం ఉందని సినీ విశ్లేషకులు అంటున్నారు. రణ్వీర్ సింగ్కు, దీపికా పడుకొనేకు మధ్య ఉన్న అన్యోన్యత, సినిమా పట్ల ఆమెకున్న నమ్మకం ఈ రివ్యూ ద్వారా తెలిసింది.