DET:DEC 03:
రాజ్ నిడిమోరు పరిచయం మరియు విద్య:
రాజ్ నిడిమోరు ప్రముఖ భారతీయ-అమెరికన్ సినీ దర్శకుడు,రచయిత మరియు నిర్మాత.ఆయన కృష్ణ డి.కె.తో కలిసి రాజ్ & డి.కె. అనే దర్శక ద్వయంలో ఒకరిగా సుప్రసిద్ధులు.ఆయన ఆంధ్రప్రదేశ్‌లోని తిరుపతిలో జన్మించారు.తిరుపతిలోని ఎస్.వి.యు. ఇంజనీరింగ్ కళాశాలలో కంప్యూటర్ సైన్స్లో బి.టెక్ పూర్తి చేశారు.ఇక్కడే ఆయన తన దర్శక భాగస్వామి అయిన కృష్ణ డి.కె.ను కలిశారు.చదువు పూర్తయ్యాక,ఆయన సాఫ్ట్‌వేర్ ఇంజనీర్‌గా పనిచేయడానికి యునైటెడ్ స్టేట్స్‌కి వెళ్ళారు.అక్కడ కొంతకాలం టెక్నాలజీ రంగంలో పనిచేసినప్పటికీ,సినిమాపై ఉన్న మక్కువతో చిత్ర పరిశ్రమలోకి మారారు.
వృత్తి:
రాజ్ మొదటి హిందీ చిత్రం 99 (2009).ఆ తర్వాత షోర్ ఇన్ ది సిటీ మరియు భారతదేశంలో మొట్టమొదటి జాంబీ కామెడీ అయిన గో గోవా గాన్ వంటి చిత్రాలకు దర్శకత్వం వహించారు.స్త్రీ వంటి హారర్-కామెడీ చిత్రాలకు రచయితగా కూడా పనిచేశారు.ఓటీటీ రంగంలో వారి అత్యంత విజయవంతమైన మరియు ప్రసిద్ధి చెందిన ప్రాజెక్ట్‌లు.ది ఫ్యామిలీ మ్యాన్,ఫర్జీ,గన్స్ & గులాబ్స్,సిటాడెల్ హనీ బన్నీ
మొదటి వివాహం మరియు విడాకులు:
రాజ్ నిడిమోరు గతంలో సినీ పరిశ్రమకు చెందిన శ్యామలి డే ను వివాహం చేసుకున్నారు.ఆమె రంగ్ దే బసంతి వంటి చిత్రాలకు సహాయ దర్శకురాలిగా పనిచేశారు.వారిద్దరూ 2015లో వివాహం చేసుకున్నారని,అయితే 2022లో విడాకులు తీసుకున్నారని సమాచారం.ఈ విషయంలో బహిరంగ ప్రకటనలు తక్కువగా ఉన్నాయి.
సమంతతో పరిచయం మరియు వివాహం:
రాజ్ నిడిమోరు ప్రముఖ నటి సమంత రుత్ ప్రభుతో తమ వృత్తిపరమైన సహకారం ద్వారా పరిచయమయ్యారు.వారిద్దరూ మొదట ది ఫ్యామిలీ మ్యాన్ సీజన్ 2 వెబ్ సిరీస్ షూటింగ్ సమయంలో కలిసి పనిచేశారు.ఈ సిరీస్‌కు రాజ్ & డి.కె.దర్శకత్వం వహించారు.
సిటాడెల్ హనీ బన్నీ వంటి ప్రాజెక్ట్‌లలో కూడా కలిసి పనిచేయడం వలన వారి మధ్య స్నేహం పెరిగింది,అది క్రమంగా ప్రేమగా మారింది.సమంత గతంలో నటుడు నాగ చైతన్యతో వివాహం చేసుకుని 2021లో విడాకులు తీసుకున్నారు.రాజ్ మరియు సమంత డిసెంబర్ 1,2025న కోయంబత్తూరులోని ఇషా యోగా సెంటర్‌లో అతి కొద్ది మంది అతిథుల సమక్షంలో అత్యంత నిరాడంబరంగా,ఆధ్యాత్మిక పద్ధతిలో వివాహం చేసుకున్నారు.